សម្រស់ ស៊ិន ឧត្តមផល្លា ត្រូវគេថា ពេលមិនផាត់មុខ ឃើញក្មេងជាងពេលផាត់ដាច់

ភ្នំពេញ៖ ក្រោយពី តារាសម្តែង និងតារាចម្រៀងជើងចាស់ អ្នកនាង ស៊ិន ឧត្តមផល្លា បានប្រកាសដើរចូលវិថីសិល្បៈវិញ ឃើញថា ប្រជាប្រិយភាពក៏ដូចជាអ្នកគាំទ្ររបស់នាងជាច្រើន នៅតែបន្តគាំទ្រនាងដដែល។

យ៉ាងណាមិញ ប្រិយមិត្តប្រាកដជាបានដឹងហើយថា តារារូបនេះមានវ័យឈានចូលជិតខ្ទង់៥០ទៅហើយ ក៏ប៉ុន្តែបើនិយាយពីសម្រស់វិញក្មេងៗសុំចាញ់តែម្តង រីឯរាងរបស់អ្នកនាងវិញក៏កាន់តែឡូយ ជាងនេះទៅទៀត។

ជាក់ស្តែង នៅក្នុងបណ្តាញសង្គមហ្វេសប៊ុកផ្លូវការ របស់តារារូបនេះ បានបង្ហោះរូបភាពដែលខ្លួនមិនបានផាត់មុខសូម្បីតែបន្តិច ពោលគឺសាច់មុខពិតៗរបស់នាង តែស្រាប់តែមានអ្នកគាំទ្រជាច្រើនបាននិយាយថា ពេលដែលនាងមិនផាត់មុខដូច្នោះ មើលទៅមុខស្រស់ស្អាតកាន់តែក្មេងជាងពេលដែលផាត់មុខ។

ស្របពេលជាមួយគ្នានេះដែរ ពិតជាគួរឲ្យសរសើរដល់តារាជើងចាស់រូបនេះ ដែលចេះថែសម្រស់បានស្អាតយ៉ាងដូច្នោះ មិនថារាងរបស់អ្នកនាង សូម្បីតែសាច់មុខក៏ស្រស់ស្អាតមិនធម្មតាដែរ៕

សូមទស្សនារូបភាពខាងក្រោមនេះ៖ 

• ស៊ិន ឧត្តមផល្លា
• តារាខ្មែរ