រាជធានីភ្នំពេញ ៖ ពិធីការិនីហ៊ិន ច័ន្ទនិរត្ន័ ដ៏លេចធ្លោប្រចាំស្ថានីយទូរទស្សន៍បាយ័នមានបណ្តាផលិតកម្មជាច្រើន និងមហាជនចង់ឱ្យនាង ចូលរួមសម្តែងភាពយន្ត ។ ហ៊ិន ច័ន្ទនិរត្ន័ សម្តែងការសោកស្តាយ ដែលនាងមិនអាចធ្វើតាម សំណូមពរមហាជន និងអ្នកគាំទ្របាន ព្រោះអំឡុងពេលនេះ ការងាររបស់នាងហ៊ុមព័ទ្ធ ច្រើនមិនអាចឱ្យនាងដកឃ្លាចូលរួមសម្តែងបាន ។
ហ៊ិន ច័ន្ទនិរ័ត្ន និយាយ «នាងខ្ញុំព្យាយាមខិតខំធ្វើយ៉ាង ណាបាន លៃលកយកពេលវេលារបស់នាងខ្ញុំទៅសម្តែងខ្លះ ដើម្បីកុំឱ្យបាត់មុខពេញទំហឹងពេកគ្រាដែលវិស័យភាពយន្តខ្មែរកំពុងរីកចម្រើនខ្លាំងឡើង ។ នាងខ្ញុំអាក់ខានសម្តែងកុនប្រមាណជាពីរឆ្នាំមកហើយ តែមិនដែលគិតថាឈប់សម្តែងនោះទេ មកពីនាងខ្ញុំអត់ពេលតែម្តង ។
មានបណ្តាផលិតករ ក៏ដូចជាផលិតកម្មមួយចំនួន បានទាក់ទងមកសួរនាំនាងខ្ញុំចង់បានសម្តែង តែមកពីអាជីពពិធីការិនីនាងខ្ញុំរវល់ពេក ។
ការសម្តែងនាងខ្ញុំ មានការពេញចិត្តណាស់ មិនចោលទេ ប្រសិនមានពេលនាងខ្ញុំសម្តែងឱ្យបាន ។ រាល់ពេលគេហៅទៅ សម្តែងគឺប៉ះពាល់ម៉ោងបំពេញ ការងារផ្នែកពិធីការិនី ។ ចំពោះការសម្តែងបើត្រឹម២ថ្ងៃ ក្នុង១អាទិត្យ តែរឿងខ្លះហក់ដល់៤ទៅ៥ថ្ងៃ នាងខ្ញុំមិនអាចសម្តែងបានឡើយ។ កន្លងមកខាងបាយ័ន នាងខ្ញុំទទួលបានតម្រុយយ៉ាងច្រើនចង់ឱ្យសម្តែងរឿងភាគ តែអត់ពេលទើបមិនអាចយកបាន តែបើលក្ខខណ្ឌចាំបាច់នាងខ្ញុំសម្តែងភ្លាម ។
នាងខ្ញុំសូមបញ្ជាក់ថា គ្មានអ្នកណាហាមមិនឱ្យ សម្តែងឬគូស្នេហ៍បណ្តូលចិត្តណាហាមមិនឱ្យសម្តែងដែរ ។ នាងខ្ញុំគ្មានខ្លាចស្បែកខ្មៅអ្វីនោះទេ សំខាន់មកពីអត់ពេលតែម្តង ។ អាជីពសម្តែងនេះនាងខ្ញុំស្រឡាញ់ ព្រោះវាក៏ជួយ បន្ថែមការពេញចិត្តរបស់ទស្សនិកជនដែរ» ។
ហ៊ិន ច័ន្ទនិរត្ន័ សព្វថ្ងៃកំពុងកាន់កាប់ កម្មវិធីមួយចំនួននៅ ទូរទស្សន៍ប៉ុស្តិ៍បាយ័ន ដូចជា «Cha Cha Cha» «វិស្សមកាលតន្ត្រី» «ពិភពរីករាយ» និងកម្មវិធីមួយចំនួនទៀត ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
គឹម លីហ្សា ល្បីថា ធ្វើវីឡាដ៏ស្កឹមស្កៃ នៅលើទឹកដីអូស្រ្តាលី!
អូស្រ្តាលី៖ ក្រោយទទួលបានសមាជិកថ្មី ជាកូនប្រុសជាទីស្រលាញ់ កាលពីប៉ុន្មានខែមុន កាន់តែធ្វើឲ្យ ជីវិតគ្រួសាររបស់អ្នកនាង គឹម លីហ្សា កាន់តែមានក្តីសុខយ៉ាងខ្លាំង។
ទន្ទឹមនឹងមានជីវិតដ៏សុភមង្គលផងដែរ ថ្មីៗនេះ ក៏មានពាក្យចចាមអារ៉ាមដែរថា អ្នកនាង គឹម លីហ្សា កំពុងសាងសង់ផ្ទះវីឡា យ៉ាងធំស្កឹមស្កៃ នៅលើទឹកដី ប្រទេសអូស្រ្តាលីផ្ទាល់តែម្តង ដែលផ្ទះ ត្រូវចំណាយធ្វើ អស់មិនតិចនោះដែរ។
បើក្រឡេកមើលតាមរូបថត បានឲ្យដឹងផងដែរថា ម៉ូតផ្ទះរបស់នាង បានធ្វើឡើង ទៅតាមរចនាបទថ្មី ប្លែក និងទាក់ទាញ ដែលមើលទៅខុសពីផ្ទះដទៃ គួរឲ្យចង់រស់នៅណាស់ ហើយផ្ទះនេះផងដែរ មិនទាន់ហើយ ជាស្ថាពរនោះទេ។
យ៉ាងណាមិញ ខណៈពេលនេះ ម្ចាស់សាមីខ្លួន មិនទាន់បញ្ជាក់យ៉ាងច្បាស់នោះទេ ថាជាផ្ទះរបស់ខ្លួនឬយ៉ាងណា តែសម្រាប់អ្នកគាំទ្រភាគច្រើន បានគិតច្បាស់១០០ ភាគរយថា ជាកម្មសិទ្ធផ្ទះរបស់នាង ដែលធ្វើឡើងដើម្បីជាកាដូចំណងដៃអាពាហ៍ពិពាហ៍ របស់ពួកគេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]