អបអរសាទរ! ហ៊ិន ច័ន្ទនីរ័ត្ន ភ្ជាប់ពាក្យជាមួយគូដណ្ដឹង នៅថ្ងៃនេះហើយ

ភ្នំពេញ៖ គឺជារឿងដ៏គួរឲ្យរំភើបរីករាយ សម្រាប់តារាសម្ដែង និងពិធីការិនី កញ្ញា ហ៊ិន ច័ន្ទនីរ័ត្ន ដែលត្រូវបានហ្វេនៗជាច្រើន កំពុងតែធ្វើការតាមដានពីទំនាក់ទំនងស្នេហា ជាពិសេស នៅក្នុងថ្ងៃនេះផ្ទាល់ រូបនាងក៏បានចូលរោងភ្ជាប់ពាក្យជាមួយនឹងគូដណ្ដឹងយ៉ាងរីករាយ។

ជាមួយគ្នានេះដែរ តាមរយៈរូបភាពដែលបានបង្ហាញឡើង បានបង្ហាញឲ្យឃើញពីបរិយាកាសដ៏កក់ក្ដៅ ជួបជុំគ្រួសារទាំងសងខាង នៅក្នុងពិធីដ៏ពិសេសមួយនេះ ដែលបានរៀបចំឡើងទៅតាមប្រពៃណីទំនៀមទម្លាប់ ទៀតផង។ 

យ៉ាងណាមិញ ក្រោយពីបានជ្រាបដំណឹងមួយនេះហើយ ហ្វេនៗអ្នកគាំទ្រ ព្រមទាំងមិត្តៗរបស់តារាស្រីនេះផ្ទាល់ បានចូលរួមអបអរសាទរ និងជូនពរឲ្យរូបនាង និងគូដណ្ដឹង កាន់តែមានក្ដីសុខ ផងដែរ៕

ប្រភពរូបភាព៖ One Memory

សូមទស្សនារូបភាពខាងក្រោម៖