ថៃ៖ ការប្រកួតMiss Universe 2018 កំពុងតែធ្វើឡើងយ៉ាងអធិកអធម នៅលើទឹកដីប្រទេសថៃ ដែលមានបវរកញ្ញាមកពីបណ្តាប្រទេសនានាជាច្រើនរូប ដើម្បីធ្វើការប្រកួត ខណៈពេលដែលកញ្ញារឿន ណាត គឺជាតំណាងប្រទេសកម្ពុជាទៅចូលរួមប្រកួតយ៉ាងអស់ពីចិត្តដើម្បីសម្រេចបំណងដល់កម្ពុជា។
វិញ្ញាសារប្រលងនីមួយៗ ឃើញថាបវរកញ្ញាកម្ពុជា បានឆ្លងកាត់ទៅបានយ៉ាងល្អ ទោះបីជាមានពេលខ្លះត្រូវពិបាក និងហត់យ៉ាងណាក្តី តែងនាងនៅតែបង្ហាញស្នាមញញឹមទៅដោយភាពជឿជាក់ ទៅកាន់អ្នកគាំទ្រនៅក្នុងការប្រលងជានិច្ច។
ជាក់ស្តែង កាលពីម្សិលមិញនេះ Miss Universe កម្ពុជាយើង បានបង្ហាញខ្លួននៅក្នុងឈុតហែលទឹកពណ៌លឿងយ៉ាងស្រស់ស្អាត ឃើញរាងដ៏ស្រឡូន គួរឲ្យទាក់ទាញខ្លាំង មិនត្រឹមតែប៉ុណ្ណោះនាងក៏មិនភ្លេចទេ ជាមួយនឹងស្នាមញញឹមនៅក្នុងការប្រកួតនេះ ដូច្នោះហើយទើបធ្វើឲ្យសម្រស់នាង កាន់តែលេចធ្លោជាងមុនទៅទៀត។
បន្ទាប់ពីបានទស្សនានូវរូបភាពដែលនាងបានបង្ហាញទៅកាន់អ្នកគាំទ្រ បានធ្វើឲ្យពួកគេពេញចិត្ត និងស្រលាញ់យ៉ាងខ្លាំង។ លើសពីនេះពួកគេក៏បានជូនពរនាង ឲ្យទទួលបានជោគជ័យនៅក្នុងការប្រកួត ដ៏ធំមួយនេះផងដែរ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]