កូននាយ ក្រឹម ចេញទៅបំពេញបេសកម្មនៅឯប្រទេសម៉ាលី

ភ្នំពេញ ៖ កាលពីម្សិលមិញនេះកូនប្រុស លោក អ៊ូ ប៉ុណ្ណារ៉ាត់ ដែលជាតារាកំប្លែងមាឌល្អិតហៅ នាយ ក្រឹម បានធ្វើដំណើរទៅបំពេញបេសកកម្មរក្សាសន្តិភាពក្រោមឆត្ររបស់អង្គការសហប្រជាជាតិ (UN) នៅឯប្រទេសម៉ាលី ។

ជាក់ស្ដែង បើយោងតាមគណនីហ្វេសប៊ុកមួយឈ្មោះ Om Nimoun បានសរសេររៀបរាប់យ៉ាងដូច្នេះថា៖ «ក្តីស្រម៉ៃតាំងពីកុមារភាពរួមនិងក្តីសង្ឃឹមរបស់គ្រួសាររបស់ប្អូនប្រុសបានដូចបំណងហើយ គឺនៅពេលដែលប្អូនស្លៀកសំលៀកបំពាក់ជាយោធារដ៍អង់អាចក្លាហាន ពោរពេញដោយទំនុកចិត្តខ្ពស់ដោយបានឆ្លងកាត់វគ្គហ្វឹកហ្វឺនអស់រយៈពេល 0៣ឆ្នាំយ៉ាងស្ទាត់ជំនាញ ឈានជើងឡើងយន្តហោះទៅបំពេញបេសកកម្មរក្សាសន្តិភាពក្រោមឆ័ត្រអង្គការសហប្រជាជាតិនៅប្រទេសម៉ាលី។កាតព្វកិច្ចទៅបំរើជាតិរបស់ប្អូននៅថ្ងៃនេះគឺមិនធ្វើអោយឪពុកម្តាយដែលធ្លាប់បានទូន្មានទំនុកបម្រុងប្អូនខកបំណងឡើយបើតាមការញញឹមរបស់ពួកគាត់។ បងសូមជូនពរអោយប្អូនមានសុខភាពល្អ ជោគជ័យគ្រប់ភារកិច្ច ដែលប្អូនត្រូវបំពេញ។

ទាំងនេះគឺដោយសារប្រទេសជាតិរបស់យើង មានសុខសន្តិភាពក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ទើបយើងអាចបញ្ជូនទ័ពរបស់ខ្លួនទៅចូលរួមបេសកកម្មរបស់អង្គការសហប្រជាជាតិ(UN)បាន» ។

យ៉ាងណាមិញ មហាជនជាច្រើនបានអបអរសារទរ ដល់ក្រុមគ្រួសាររបស់ នាយ ក្រឹម ដែលកូនប្រុសរបស់លោក បានចេញទៅបំពេញបេសកម្ម នៅប្រទេសម៉ាលី ហើយក៏ជាការសម្រេចនូវបំណងប្រាថ្នា របស់កូនប្រុសខ្លួនក្នុងការស្លៀកសម្លៀកបំពាក់ជាយោធា ដ៏អង់អាចក្លាហាននេះផងដែរ៕ 

• នាយក្រឹម
• តារាខ្មែរ