ប៊ី សុធារី ត្រូវមហាជនក្នុងប្រទេស សរសើរសម្រស់ នៅពេលនាងតែងខ្លួន ជា«នាងសួគ៌»

ភ្នំពេញ៖ ពិធីបុណ្យចូលឆ្នាំប្រពៃណីជាតិខ្មែរត្រូវបានបញ្ចប់ទៅយ៉ាងរលូន និងពោរពេញដោយភាពសប្បាយរីករាយ ជាមួយនឹងប្រជាជននៅក្នុងស្រុក មិនត្រឹមប៉ុណ្ណោះ ក៏បានការរៀបចំពិធីអង្គរសង្ក្រាន្ត នៅលើទឹកដីខេត្តសៀមរាប យ៉ាងអធិកអធមបំផុត។

នៅក្នុងនោះដែរ ក៏មានការដង្ហែរក្បួនអង្គរសង្ក្រាន្ត ដែលមានការចូលរួមពីតារាម៉ូដែលជាច្រើនដួង បានតែងខ្លួនយ៉ាងស្រស់ស្អាត សាកសមជានារីខ្មែរ អ្នកដែលបានឃើញ មិនសរសើរមិនបាន។

ជាមួយគ្នានេះដែល អតីត Miss Universe 2017កម្ពុជាកញ្ញា ប៊ី សុធារី ក៏មានកិត្តិយស មានវត្តមានដង្ហែនូវក្បួនអង្គរសង្ក្រាន្តនេះ ដែលនាងបានតែងខ្លួនជា «នាងសួគ៌» នៅក្នុងក្បួន «រចនាឧត្តម» ផែន «ផល្លានុផល » ក្បួនរចនាឧត្តម បង្ហាញពីការប្រើប្រាស់ធនធានដែលទទួលបានពីភាពសម្បូរសប្បាយ ដើម្បីកែច្នៃសម្រួលទៅដល់ជីវភាពរស់នៅប្រចាំថ្ងៃរបស់ប្រជាជាតិខ្មែរទាំងមូល អមដោយការតាក់តែងលម្អយ៉ាងប្រណីត ក្នុងរចនាបថបុរាណ ដែលច្នៃចេញពីសម្លៀកបំពាក់អាពាហ៍ពិពាហ៍បែបប្រពៃណីខ្មែរ។

បន្ទាប់ពីបានបង្ហាញខ្លួនបែបនេះ ធ្វើឲ្យមហាជនជាច្រើននៅក្នុងប្រទេស នាំគ្នាសរសើរពីសម្រស់ពីធម្មជាតិ ជាមួយនឹងការតុបតែងខ្លួនជាសម្លៀកបំពាក់បុរាណ នៅក្នុងក្បួនដង្ហែបែបនេះទៀត ពិតជាស្រស់ស្អាតខ្លាំងមែនទែន៕

សូមទស្សនារូបភាពខាងក្រោមនេះ៖ 

• ប៊ី សុធារី
• តារាខ្មែរ