ភ្នំពេញ៖ កាលពីពេលថ្មីៗនេះ អតីតបវរកញ្ញាចក្រវាឡឆ្មាំ២០១៧កញ្ញា ប៊ី សុធារី ទើបចេញទៅប្រកួតក្នុងកម្មវិធី Miss Charm 2023 នៅឯប្រទេសវៀតណាម។ ដោយកម្មវិធីមួយនេះ ធ្លាប់បានពន្យាពេលការប្រកួតអស់ជាច្រើនឆ្នាំ ទើបតែបើកការប្រកួតវិញ នៅដើមឆ្នាំ២០២៣នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បន្ទាប់ពីបវរកញ្ញា Miss Charm កម្ពុជា កញ្ញា ប៊ី សុធារី ចេញទៅប្រកួត មានមហាជនជាច្រើន បានជូនពរ និងរំពឹងទុកថានាងអាចទទួលតំណែងល្អណាមួយពីកម្មវិធី។ ប៉ុន្តែកាលពីម្សិលមិញនេះ ដល់វគ្គប្រកួតផ្ដាច់ព្រ័ត្រ នាងមិនបានចូលTopឡើយតែក៏ទទួលបានពានរង្វាន់ឈ្នះឈុតតំណាងជាតិដែលល្អដាច់គេ ពីកម្មវិធី Miss Charmផងដែរ។
លើសពីនេះទៅទៀត មុនវគ្គប្រកួតផ្ដាច់ព្រ័ត្រ Miss Charm មកដល់ គេចាប់អារម្មណ៍ឃើញការបង្ហោះសារពីគូស្នេហ៍កញ្ញា ប៊ីសុធារី ដោយលោកបានសរសេរក្នុងន័យលើកទឹកចិត្តដូច្នេះថា៖
ថ្ងៃនេះក្រោកពីដេកមកបុកពោះណាស់ ខ្ញុំមិនសង្ឃឹមខ្ពស់ពេកទេ ព្រោះទៅមើលផ្ទាល់ថ្ងៃ Preliminaryហើយ សមឆាកកាលពីម្សិលមិញ ម្នាក់ៗខ្លាំងៗណាស់។ តែខ្ញុំជូនពរឲ្យកម្ពុជាយើងបានលទ្ធផលល្អ សូមគ្រប់គ្នាកុំរំពឹងពេក ព្រោះប្រសិនបើ សុធារី ប៊ី មិនទទួលបានលទ្ធផលដូចគ្រប់គ្នារំពឹង អ្នកទាំងអស់គ្នានឹងដាក់សម្ពាធឲ្យគាត់ គាត់បានខិតខំហើយ។ តាំងពីចាប់ផ្ដើមយើងហត់ច្រើនហើយ អ្នកលូកដៃមកជួយក៏មិនច្រើនដែរ តែបងៗដែលបានជួយគឺគាត់ពិតជាជួយអស់ពីចិត្ត យើងក៏ពុំមែនជាអ្នកមានលុយច្រើនទេយើងសុទ្ធតែត្រៀមគ្រប់យ៉ាងតាមលទ្ធភាពដែលយើងមាន ហើយអាចធ្វើទៅបាន។ ពិតណាស់ វាមិនអាចPerfectទេ សង្ឃឹមថាយល់ អរគុណដោយក្ដីគោរព៕
សូមទស្សនារូបភាពខាងក្រោម៖
Bong I.T