រកណាបានប្តីល្អបែបនេះ! ពាក់មី សុខចិត្តដាំបាយធ្វើម្ហូប លើកបាយឲ្យប្រពន្ធ ដូចជាព្រះនាង(មានវីដេអូ)

ភ្នំពេញ៖ ទោះតារាកំប្លែងនាយពាក់មី មានភាពមមាញឹកនៅក្នុងការងារសិល្បៈរកពេលសម្រាកគ្មានក្តី តែតារារូបនេះតែងបង្ហាញសេចក្តីស្រលាញ់ និងផ្តល់សុភមង្គលជូនគ្រួសារជានិច្ច។

យ៉ាងណាមិញនៅក្នុងបណ្តាញសង្គមរបស់តារារូបនេះកាលពីថ្មីៗនេះ បានបង្ហោះវីដេអូមួយដែលលោកបានដើរតួនាទីជាប្តីល្អជូនភរិយានៅផ្ទះ មើលទៅពិតជាមានសុភមង្គលខ្លាំងមែនទែន។

នៅក្នុងនោះដែរ ភរិយារបស់លោកអង្គុយលេងហ្គេម រីឯនាយពាក់មី វិញបានដាំបាយធ្វើម្ហូបចៀនត្រី រួចដួសបាយឲ្យប្រពន្ធដែលអង្គុយលេងទៀត ដោយមើលទៅពិតជាមានសុភមង្គល និងគួរឲ្យច្រណែន ដែលនាយពាកមី សុខចិត្តធ្វើបែបនេះ។

មិនត្រឹមតែប៉ុណ្ណោះ តារារូបនេះបានបន្តនិយាយនៅក្នុងវីដេអូនោះថា លោកធ្វើបែបនេះទៅហើយតែនៅតែមានគេថាលោកខូចទៀត លើសពីនេះ ក្រោយពីបានឃើញទង្វើទាំងនេះរបស់ស្វាមី ភរិយារបស់ពាក់មីសប្បាយចិត្ត ញញឹមមបិទមាត់មិនជិតនោះទេ៕

សូមទស្សនាវីដេអូខាងក្រោមនេះ៖ 

• ពាក់មី
• វីដេអូ
• តារាខ្មែរ