ចន ច័ន្ទលក្ខិណា ឃើញប្អូនបង្កើតយំ មុនថ្ងៃចូលរោងការ២ថ្ងៃ បែរជានាងនិយាយបែបនេះ (មានវីដេអូ)

ភ្នំពេញ៖ នៅសល់រយៈពេលតែ២ថ្ងៃទៀតតែប៉ុណ្ណោះ ប្អូនស្រីបង្កើត របស់ អ្នកនាង ចន ច័ន្ទលក្ខិណា នឹងចូលរោងការ ជាមួយនឹងគូស្នេហ៍ ទៅតាមថ្ងៃដែលគ្រោងទុក។

ក្នុងនោះ នៅក្នុងពិធីមង្គលការ របស់ប្អូនស្រី  គឺអ្នកនាង ចាត់ចែង រៀបចំ និងជាអ្នកហៅភ្ញៀវ ស្ទើរតែទាំងអស់ មិនថា នៅក្នុងរង្វង់សិល្បៈ ឬក៏ក្រៅនោះទេ។​ ក៏ព្រោះតែ អ្នកនាង ប្រៀបដូចជា ម្តាយទី២ របស់ប្អូនស្រីនាង យ៉ាងដូច្នោះដែរ។

ទន្ទឹមនឹងនេះ ឲ្យតែជិតដល់ថ្ងៃការ មិត្តភក្តិរបស់កូនក្រមុំ តែងតែធ្វើពិធី​លាភាពនៅលីវឲ្យ ដើម្បីប្រកាសឲ្យគ្រប់គ្នាដឹងថា បន្តិចទៀតនេះ នឹងក្លាយខ្លួន ជាមនុស្សស្រី​ ដែលមានគ្រួសារហើយ។

មិនតែប៉ុណ្ណោះ ប្អូនបង្កើត របស់អ្នកនាង ចន ច័ន្ទលក្ខិណា បានបង្ហូរទឹកភ្នែក ប្រហែលដោយសារតែ ចិត្តរំភើប និង ពាក្យសម្តីមួយចំនួន របស់មិត្តភក្តិនាង និយាយនៅពេលនោះ។

ក្រោយពីបានឃើញ ប្អូនស្រីយំ អ្នកនាង ចន ច័ន្ទលក្ខិណា ក៏បានសរសេរសារមួយ ខាងលើវីដេអូនោះថា «យំធ្វើអី ? ម្នាក់ៗគេខំអញ្ជើញភ្ញៀវដើម្បីមកអបអរសាទរ មិនតិចទេណា ១៦០ ទៅ ១៧០ តុ មិនមែនជារឿងងាយទេសម្រាប់គ្រួសារសាមញ្ញដូចពួកយើង»។

សារមួយនេះ អ្នកនាង ចន ច័ន្ទលក្ខិណា ហាក់ដូចជាបង្ហាញ និងព្យាយាមធ្វើឲ្យ ប្អូនស្រីអ្នកនាង មានភាពរឹងមាំ ដើម្បីក្លាយជា​កូនក្រមុំ ដ៏ស្រស់ស្អាត ក្នុងពេលខាងមុខ ហើយក្នុងនោះ បើតាមការបញ្ជាក់ របស់អ្នកនាង គឺពិធីរៀបការប្អូនស្រីអ្នកនាង គឺមានមនុស្សចូលរួម មិនក្រោម ២ពាន់នាក់នោះទេ ៕

• ចនច័ន្ទ លក្ខិណា
• វីដេអូ
• តារាខ្មែរ