ផ្ទុះការចាប់អារម្មណ៍ពេលបណ្តាញសង្គម តារាជើងចាស់ទាំង ៣ ដួងនេះ ជាអ្នកកំដរកូនក្រមុំ រោងការ លី ម៉ារីណា

ភ្នំពេញ៖ នៅថ្ងៃទី ១២ ខែមករា នេះ តារាសម្តែងចាស់វស្សា លី ម៉ារីណា និងគូស្នេហ៍បណ្ដូលចិត្ត បានដឹកដៃគ្នា ប្រារព្ធពិធីមង្គលការយ៉ាង​សាមញ្ញ​ តែ​មានភាពកក់ក្តៅ​ ដោយមានការចូលរួមពីមសមាជិកគ្រួសារ ព្រមទាំងភ្ញៀវកិត្តិយស ក៏ដូចជាមិត្តក្នុងរង្វង់សិល្បៈយ៉ាងកុះករ។

ជាក់ស្តែង នេះបើតាមរូបភាពជាច្រើនសន្លឹក នៃតារាស្រីរូបនេះ ក៏ត្រូវបានគ្រប់គ្នាចាប់អារម្មណ៍យ៉ាងខ្លាំង បន្ទាប់ពីបាន បង្ហាញ​ខ្លួន​​ក្នុងឈុតប្រពៃណី ធ្វើឲ្យមើលឃើញ ជាមួយសាច់សខ្ចី អាវប៉ាក់ឌិន ព្រមទាំងមានស្នាមញញឹមដ៏ផ្អែមល្ហែម ដែល​ពោរពេញ​ទៅ​ដោយ​ ភាព​សប្បាយ​រីក​រាយ​ រហូតអាចធ្វើឲ្យអ្នកគ្រប់គ្នា ​អាច​ដឹងថា នេះគឺជាថ្ងៃដ៏មានសុភមង្គលគួរឲ្យចងចាំ។

អ្វីដែលចាប់អារម្មណ៍ ក្នុងថ្ងៃវិសេសវិសាលមួយនេះ ត្រូវបានឲ្យដឹងថា អ្នក​កំដរ របស់តារាស្រីរូបនេះ សុទ្ធសឹងតែក្នុងវិស័យសិល្បៈ ដែលត្រូវបានស្គាល់ មានដូចជា ​តារា​ជើងចាស់ ចន ច័ន្ទលក្ខិណា សារាយ សក្ខណា និង កែវ ពេជ្រពិសីជាដើម។

ក្រោយពីឃើញបែបនេះមហាជន ជាពិសេសអ្នកលេងបណ្តាញសង្គម ហ្វេសប៊ុក មានការកោតសរសើរជាខ្លាំង ទៅនឹងសម្រស់អ្នកកំដរកូនក្រមុំ សុទ្ធសឹងតែ រូបឆោមស្រស់ស្អាត ថ្លៃថ្នូរ រមទម ពិតជាស៊ីគ្នាខ្លាំង ទៅនឹង កូនក្រមុំតែម្តង៕

សូមទស្សនារូបភាពខាងក្រោម៖