ក្រោយតស៊ូអស់រយៈពេល៣ឆ្នាំ ពេលនេះ ស៊ីន យូប៊ីន ទទួលបានពានរង្វាន់តារាសម្តែងស្រីឆ្នើមប្រចាំឆ្នាំ!

ភ្នំពេញ៖ តារាសម្តែងស្រីកញ្ញា ស៊ីន យូប៊ីន បច្ចុប្បន្ននាងកំពុងមាន ឈ្មោះបោះសម្លេងមិនធម្មតា នៅក្នុងវិស័យសិល្បៈ ដោយតាមរយៈការសម្តែងខ្សែភាពយន្តនានា ក៏ដូចជាថតស្ពតពាណិជ្ជកម្មធំៗជាដើម។

ជាការពិតណាស់ ចាប់តាំងពីអតីតFreshie Girl លេខ១នេះ ប្រឡូកខ្លួនចូលក្នុងវិស័យសិល្បៈកាលពីឆ្នាំមុនមក យើងសង្កេតឃើញថា ការខិតខំប្រឹងប្រែងតស៊ូរបស់នាង គឺតែងតែទទួលបានលទ្ធផលល្អ រីឯកេរ្តិ៍ឈ្មោះក៏ចាប់ផ្តើមកើនឡើងជាលំដាប់មកទល់បច្ចុប្បន្ននេះផងដែរ។

ជាក់ស្តែង ក៏ដូចជា កាលពីថ្មីៗនេះ តារាសម្តែង ស៊ីន យូប៊ីន ក៏បានបង្ហោះសាររំភើបចិត្ត ជាមួយរូបថតជាច្រើនសន្លឹក បង្ហាញពីអារម្មណ៍សាទរ ក្រោយពីខ្លួនទទួលបានពានរង្វាន់ «តារាសម្តែងស្រីឆ្នើមប្រចាំឆ្នាំ២០១៧» “Best Actress Award Of The Year” នៅក្នុងកម្មវិធីមហោស្រពភាពយន្តជាតិលើកទី៥ ដែលជាក្តីប្រាថ្នារបស់នាងជាយូរណាស់មកហើយ។

ហើយក្នុងនោះផងដែរ នាងក៏ទទួលបានសារអបអរសាទរយ៉ាងច្រើន ពីសំណាក់អ្នកគាំទ្រនៅលើបណ្តាញសង្គមហ្វេសប៊ុកផងដែរ៕

• ស៊ីន យូប៊ីន