រ៉ូប យូប៊ីន គ្រងចូលកម្មវិធីនៅទឹកដីចិនយប់មិញនេះ មានប៉ាក់យ័ន្ដខ្មែរ ច្នៃស្អាតលេចធ្លោជាងគេ

កម្សាន្ត៖ កាលពីយប់មិញនេះ តារាសម្ដែងស្រី ដ៏មានប្រជាប្រិយភាព កញ្ញា ស៊ីន យូប៊ីន បានបង្ហាញវត្តមាននៅក្នុងកម្មវិធី The Cambodia Night នៅ ​Xiamen ទឹកដីប្រទេសចិន។ ជាមួយគ្នានេះ រូបនាង ទទួលបានការចាប់អារម្មណ៍យ៉ាងខ្លាំងជាមួយនឹងរ៉ូបដ៏ស្រស់ស្អាត មានប៉ាក់អក្សរខ្មែរថែមទៀតផង។

អ្វីដែលគួរឲ្យទាក់ទាញទៀតនោះ យូប៊ីន បានសរសេរសារបង្ហោះអមជាមួយនឹងរូបភាពរបស់ខ្លួនបញ្ជាក់អំពីម៉ូតរ៉ូបជាម៉ូតយ័ន្ដធាតុទាំង៥របស់ខ្មែរនោះគឺ “ន ទឹក” “ម ដី” “ព ភ្លើង” “ទ ខ្យល់” យ អាកាស” ដែលវាបានបង្ហាញនៅលើរ៉ូបយ៉ាងប្រណិត។

ជាពិសេស វត្តមានរបស់ យូប៊ីន តែងតែធ្វើឲ្យអ្នកលេងបណ្ដាញសង្គមផ្ដោតចំណាប់អារម្មណ៍ទៅលើរូបនាងជានិច្ច ដែលគ្រប់កម្មវិធីទាំងក្នុងប្រទេសនិងក្រៅប្រទេសតារាស្រីរូបនេះ ខិតខំផ្សព្វផ្សាយវប្បធម៌ខ្មែរតាមរយៈគំនិតច្នៃប្រឌិតគឹបង្ហាញជាម៉ូតសម្លៀកបំពាក់ ដែលទង្វើនេះ ធ្វើឲ្យមហាជនមានការកោតសរសើរមិនដាច់ពីមាត់៕

ប្រភព៖ Shin Yubin ស៊ីន យូប៊ីន