អាមេរិក៖ សល់តែប៉ុន្មានថ្ងៃទៀតទេ ពោលគឺនៅថ្ងៃទី២៦ ខែវិច្ឆិកាខាងមុខនេះ ការប្រកួតបវរកញ្ញា Miss Universe ប្រចាំឆ្នាំ២០១៧ នឹងឈានដល់វគ្គផ្តាច់ព្រ័ត្រ ហើយអ្នកគាំទ្ររាប់លាននាក់ កំពុងតែរង់ចាំមើលថា តើបវរកញ្ញាមកពីប្រទេសណា បានក្លាយជាម្ចាស់មកុដដ៏ស្រស់ស្អាត និងមានតម្លៃមិននឹកស្មានដល់នេះទៅ។
ជាការពិតណាស់ មកទល់ពេលនេះពេលវេលាក៏កាន់តែខិតជិតមកដល់ បវរកញ្ញាទាំងអស់កំពុងតែខិតខំប្រឹងប្រែង ឲ្យអស់ពីសមត្ថភាពដើម្បីបង្កើនពិន្ទុ ក៏ដូចជាព្យាមយាម ឆក់យកដួងចិត្ត របស់ទស្សនិកជនជុំវិញពិភពលោកផងដែរ។
ជាក់ស្តែង ដំណឹងដ៏គួរឲ្យត្រេកអរមួយ ដែលផេកហ្វេសប៊ុក Miss Universe Predictions បានប្រកាសចេញ នូវតារាងលំដាប់ Top5 បវរកញ្ញាដែលមានប្រជាប្រិយភាពខ្លាំងបំផុត នៅក្នុងចំណោមបវរកញ្ញាមកពីបណ្តា៦៦ប្រទេស។
ដោយក្នុងនោះ យើងសង្កេតឃើញ បវរកញ្ញាតំណាងឲ្យប្រទេសកម្ពុជាយើង កញ្ញា ប៊ី សុធារី ក៏បានជាប់នៅក្នុងតារាងTop5 នេះផងដែរ។ ដោយបវរកញ្ញា ប៊ី សុធារី ជាប់នូវលំដាប់លេខ២ ទទួលបានសម្លេងបោះឆ្នោតគាំទ្រចំនួន ១២៥,៩៤០ពិន្ទុ ខណៈលំដាប់ទី១បានទៅលើ បវរកញ្ញាមកពីហ្វីលីពីន ដែលបានសម្លេងបោះឆ្នោតគាំទ្រ ១,២០១,៩៧០ ពិន្ទុផងដែរ។
ប៉ុន្តែមិនថាយ៉ាងណា នេះក៏ជាសញ្ញាល្អមួយសម្រាប់បវរកញ្ញាកម្ពុជាយើង ដែលទទួលបានការគាំទ្រខ្ពស់ជាង បវរកញ្ញាមកពីជាង៦០ប្រទេសផ្សេងទៀត និងធ្វើឲ្យប៊ី សុធារី កាន់តែមានឱកាសខ្ពស់ ក្នុងការដណ្តើមយកមកុដ Miss Universe 2017 ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
-
- នាមជារៀមច្បង ដើរលើវិស័យបវរកញ្ញាច្រើនឆ្នាំ ប៊ី សុធារី មានមោទកភាពលើប្អូនៗ ក្នុងកម្មវិធី Mini Miss និងLittle Miss កម្ពុជា២០២៣
- ថ្មីចែស! គ្រាន់តែសង្សារនារីម្នាក់ថតរូបជាប់ ប៊ី សុធារី យុវតីមួយរូបឆាតទៅនាងថា ចង់ឲ្យដៃសង្សារខ្លួនទៅវិញ
- មុនវគ្គផ្ដាច់ព្រ័ត្រ គូស្នេហ៍ ប៊ី សុធារី និយយាយបែបនេះ ព្រោះមិនចង់ឲ្យហ្វេន ដាក់សម្ពាធឲ្យនាង