ប៊ី សុធារី ជាកូនខ្មែរពិតៗ ស្អាតមិនចាញ់បវរកញ្ញាបរទេស ដែលសុទ្ធតែជាកូនកាត់ឡើយ ពេលថតជិតគ្នាបែបនេះ!

អាមេរិក៖ ដូចប្រិយមិត្តបានជ្រាបច្បាស់មកហើយថា បវរកញ្ញាកម្ពុជាយើងកញ្ញា ប៊ី សុធារី គឺជា Miss Universe តំណាងប្រទេសកម្ពុជា ដើម្បីទៅចូលរួមប្រកួតការប្រលងនៅលើឆាកអន្តរជាតិ ដែលនេះគឺជាមោទនភាពមួយដ៏ធំធេងរបស់ប្រទេសកម្ពុជា។

ហើយនៅថ្ងៃនេះ តាមរយៈហ្វេសប៊ុកផេក Miss Cambodia Beauty Pageant ក៏បានបង្ហាញរូបភាពរបស់បវរកញ្ញា ប៊ី សុធារី ដែលបានថតជាមួយនឹងបវរកញ្ញាមកពីប្រទេសដទៃៗទៀតយ៉ាងស្រស់ស្អាតផងដែរនៅលើទឹកដីអាមេរិក។

ចំណែកឯចំណុចសំខាន់គួរឱ្យចាប់អារម្មណ៍យ៉ាងខ្លាំងនោះគឺកញ្ញា ប៊ី សុធារី ជាកូនខ្មែរពិតៗ និងមានទីកន្លែងកំណើតនៅទីក្រុងភ្នំពេញ ពិតជាមានសម្រស់ស្រស់ស្អាតខ្លាំងមិនចាញ់បរទេស ដែលពួកគេសុទ្ធតែជាកូនកាត់នោះឡើយ។

គួរឱ្យដឹងផងដែរថា ការប្រកួតប្រជែងវគ្គផ្តាច់ព្រ័ត្រនៃកម្មវិធី Miss Universe នឹងត្រូវប្រារព្ធធ្វើឡើងនៅ សហរដ្ឋអាមេរិក ថ្ងៃទី ១៧ ខែ វិច្ឆិកា ឆ្នាំ ២០១៧ ខាងមុខនេះហើយ។

ចូលរួមលើកទឹកចិត្តកញ្ញា ប៊ី សុធារី ពីចម្ងាយផងដែរ ដើម្បីឱ្យកញ្ញាទទួលបានជោគជ័យយ៉ាងត្រចះត្រចង់ ជូនមាតុភូមិកម្ពុជាយើង៕

ទស្សនាកម្រងរូបភាពខាងក្រោម ដែលបានដកស្រង់ចេញពីហ្វេសប៊ុក Miss Cambodia Beauty Pageant៖ 

• ប៊ី សុធារី