រាជធានីភ្នំពេញ៖ យូរមកហើយដែលហ៊ិន ច័ន្ទនិរ័ត្ន នៅមិនទាន់បើកឱកាសទទួលយកស្នេហា ខណៈល្បីកក្រើករឿងមានអ្នកតាមស្រឡាញ់ច្រើនក្នុងនោះមានទាំងមន្ត្រីថ្នាក់ខ្ពស់តាមថ្ពក់ចិត្តទៀតផង ។ តារាស្រស់ស្អាតរូបនេះមិនភ្ជាប់បេះដូងជាមួយអ្នកណា ដោយមិនមើលចិត្តគំនិតឲ្យល្អិតល្អន់មុននឹងហែលឆ្លងភពសុភមង្គលជាមួយគ្នានៅថ្ងៃអនាគតនោះទេ ។
ពិធីការិនីកញ្ញាហ៊ិន ច័ន្ទនីរ័ត្ន នៅតែរក្សាបានតំណែងលេចធ្លោនៅទូរទស្សន៍បាយ័ន ដោយក្តោបក្តាប់បានច្រើនកម្មវិធី បើទោះបីពិធីការិនីស្រករក្រោយចូលជាបន្តបន្ទាប់ក្តី ។ ក្រៅពីការរីកចម្រើនអាជីព បច្ចុប្បន្នស្នេហារបស់និរ័ត្ន កាន់តែរឹងមាំខ្លាំងជាងមុន ។
ទោះមិនចូលប្រឡូកពិភពភាពយន្តក្តី កេរ្តិ៍ ឈ្មោះរបស់ហ៊ិន ច័ន្ទនិរ័ត្ន នៅតែលេចធ្លោនៅក្នុងសង្គមសិល្បៈ ។ ដំណឹងចុងក្រោយនិរ័ត្នល្បីកក្រើកព័ត៌មានស្នេហាជាមួយកូនអ្នកមានម្នាក់កាន់តែផ្អែមល្ហែម ទោះមិនទាន់បានបណ្តើរគ្នាជាសាធារណៈនៅឡើយក្តី ។
នៅមិនទាន់ស្វែងរកការបញ្ជាក់បាននៅឡើយទេពីកញ្ញាហ៊ិន ច័ន្ទនិរ័ត្ន ប៉ុន្តែអ្នកសិល្បៈលើកឡើងថា ស្នេហារបស់នាង និងកូនប្រុសអ្នកមានទ្រព្យនោះកាន់តែរីកចម្រើនឡើងដោយពួកគេបង្កើតឱកាសផ្អែមល្ហែមជាមួយគ្នាជាញឹកញាប់ ។ ទោះលាក់លៀមនឹងមិត្តរួមអាជីពក្តី ប៉ុន្តែពួកគេរំលេចភាពល្អូកល្អិនច្រើនតាមរយៈទូរស័ព្ទដៃ និងហ្វេសប៊ុក ។
យូរៗម្តងគេឃើញរថយន្ត Range Rover ពណ៌ខ្មៅរបស់សង្សារទៅទទួលនិរ័ត្ន ។ មានការលើកឡើងថា ដោយការស្រឡាញ់និរ័ត្ន ខ្លាំងសង្សារនាងដាក់បម្រាមមិនឲ្យសម្តែងភាពយន្តទេ ព្រោះតែបារម្ភពីសុខភាព និងខ្លាចបុរសផ្សេងប៉ះពាល់ខ្លួននាង ។ ស្នេហារបស់នាងកាន់តែមានស្ថានភាពល្អប្រសើរ ឡើងនិងអាចឈានដល់រៀបអាពាហ៍ពិពាហ៍ទៀតផង ដ្បិតអីក្រុមគ្រួសារទាំងសងខាងបានដឹងឮអស់ទៅហើយ ។ ជាពិសេសនោះសង្សាររបស់នាងតែងតែរំអុកសុំនាងរៀបការជា រឿយៗ ។
ហ៊ិន ច័ន្ទនិរ័ត្ន ជាពិធីការិនីមានមន្តស្នេហ៍ម្នាក់ ហើយល្បីមានទាំងស្រី និងប្រុសតាមចោមស្រឡាញ់ ។ តាមប្រភពព័ត៌មានថា ក្រោយពេលលេចជ្រាបដំណឹងស្នេហ៍មកធ្វើឱ្យ បុរសៗអ្នកមានជាច្រើនដែលធ្លាប់តាមថ្ពក់ស្នេហ៍និរ័ត្នខកចិត្តជាខ្លាំង ។ តាមដំណឹងថា ការដែលពិធីការិនីលេចធ្លោនៅទូរទស្សន៍បាយ័នរូបនេះមិនទាន់ចង់ដឹកដៃគូសង្សារចូលរោងការតាមការស្នើសុំ ដោយសារតែនាងចង់ពិសោធន៍ស្នេហ៍មួយរយៈទៀតសិន ដ្បិតអីសង្សាររបស់នាងពូកែប្រចណ្ឌពេកខ្លាចក្រោយពេលសំពះផ្ទឹមធ្វើឱ្យនាងរងទឹកភ្នែក។ ម្យ៉ាងកន្លងមកនិរ័ត្នបានបង្ហើបឱ្យដឹងថា បុរសដែលស្ថិតក្នុងក្តីស្រមៃរបស់នាងជាបុរសស្លូតបូតស្មោះត្រង់យល់ពីជម្រៅចិត្តនាង និងមិនចេះប្រចណ្ឌហួងហែងនាងផ្តេសផ្តាស៕
ប្រភព៖ កោះសន្តិភាព
ដោយឡែកពត៌មានគួរឲ្យចាប់អារម្មណ៍មួយផ្សេងទៀត៖
ធ្លាប់តែឃើញ ឈីន រតនៈ ស្លៀកពាក់បែបសម័យ ចុះស្លៀកពាក់ជាបែបប្រពៃណីខ្មែរវិញស្អាតទេ?
ភ្នំពេញ៖ ប្រិយមិត្តពិតជាមិនទាន់ភ្លេចអតីតបេក្ខនារីប្រឡងចម្រៀងនៅក្នុងកម្មវិធី The Voice Cambodia រដូវកាលទី២ កញ្ញា ឈីន រតនៈ ទេមែនទេ? បច្ចុប្បន្ននាង ក៏ជាតារាចម្រៀងមួយដួង នៅក្នុងផលិតកម្មរស្មីហង្សមាសដែរ។
ដោយបទថ្មីជាលើកដំបូងរបស់នាង នៅក្នុងផលិតកម្មនេះ មានចំណងជើងថា «អ្នកមិនអន់ទេ»។ គ្រាន់តែចេញភ្លាមក៏មានការគាំទ្រ មិនស្ទើរដែរពីសំណាក់ទស្សនិកជន។
ទោះបីជាកញ្ញា ឈីន រតនៈ មិនបានជាប់ជាជ័យលាភីនៅក្នុងកម្មវិធីប្រឡងចម្រៀង The Voice Cambodia រដូវកាលទី២ ក៏ដោយ ប៉ុន្តែនាងនៅតែទទួលបានការគាំទ្រជាច្រើន ព្រោះតែទឹកដមមានសម្លេង និងពូកែខាងច្រៀងបទស្រែក មានតុងខ្ពស់ៗ ក៏ដូចជាការប្រើប្រាស់ដង្ហើមបានវែងៗផងដែរ នៅក្នុងការបកស្រាយបទចម្រៀង។
គួរឱ្យដឹងថា កញ្ញា ឈីន រតនៈ ជាតារាចម្រៀងដែលមានដើមកំណើតជាអ្នកខេត្តកំពង់ចាម អតីតបេក្ខនារីប្រឡងនៅក្នុងចម្រៀង The Voice Cambodia រដូវកាលទី២ និងជាកូនក្រុមរបស់លោក ណុប បាយ៉ារិទ្ធិ។ នាងត្រូវបានទស្សនិកជនស្គាល់ជាលើកដំបូងដោយការបកស្រាយបទ «Saxophoneបាត់ស្នេហ៍» នៅក្នុងវគ្គ Blind Audition ហើយក៏ជា Top 4 នៅក្នុងវគ្គផ្តាច់ព្រ័ត្រផងដែរ។
ងាកទៅមើលការតុបតែងខ្លួនវិញ កញ្ញា ឈីន រតនៈ និយមតែងខ្លួនបែបស៊ីវិល័យទាន់សម័យទំនើប តាមបែបយុវវ័យ ប៉ុន្តែពេលនេះក្រឡេកទៅមើលការស្លៀកពាក់ជាបែបប្រពៃណីវិញម្តងក៏ស្អាតដែរ៕
ចុះប្រិយមិត្តវិញយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
