ភ្នំពេញ៖ កាលពីវេលាម៉ោង ១១ព្រឹកមិញនេះ កញ្ញា លី អ៊ីវ៉ាធីណា បានបង្ហោះវីដេអូមួយ ដោយសារតែអាណិតលោកយាយកម្សត់ម្នាក់ ដែលរស់នៅរកព្រឹកខ្វះល្ងាចយ៉ាងលំបាក។
កញ្ញាលី អ៊ីវ៉ាធីណា បានសរសេរនៅលើទំព័រហ្វេសប៊ុករបស់នាងឲ្យដឹងថា «សព្វថ្ងៃលោកយាយរស់នៅជាមួយចៅអាយុ១០ឆ្នាំ ដើររើសអេតចាយមួយថ្ងៃបាន ១,០០០រៀល ឬ ២,០០០រៀលប៉ុណ្ណោះ ពេលខ្លះអត់ (និង)បានអ្នកជិតខាងឲ្យបាយហូប។ អាណិតលោកយាយណាស់ កូនអីក៏ចិត្តដាច់ម្ល៉េះ ទៅចោលម្តាយមិនដែលមកមើលម្តាយ និងកូនសូម្បីតែម្តង។ សូមស្តាប់លោកយាយសូត្រធម៌ជូនបុណ្យអ្នកទាំងអស់គ្នាណា»។
កញ្ញាលី អ៊ីវ៉ាធីណា បានផ្តាំផ្ញើតាម Comment នៃវីដេអូរបស់នាងផងដែរថា «អរគុណអូនអូនទាំងអស់គ្នាខ្លាំងណាស់ ហើយខ្ញុំសូមផ្ញើទៅមនុស្សមួយចំនួនផង ចង់ប្រាប់ថាខ្ញុំធ្វើបុណ្យមិនមែន ទើបធ្វើទេណា ខ្ញុំធ្វើឡើងមួយឆ្នាំជាងហើយ បើមិនដឹងកុំចេះតែនិយាយប្រយ័ត្នបាប»។ គួរឲ្យដឹងដែរថា ប្រតិកម្មនៃមតិតបតរបស់កញ្ញា លី អ៊ីវ៉ាធីណា មានឡើង បន្ទាប់ពីមានអ្នកប្រើប្រាស់បណ្តាញសង្គមហ្វេសប៊ុកមួយចំនួន បានចូលទៅ Comment រិះគន់លើវីដេអូរបស់នាង៕
សូមតាមដានរូបភាពនៃការសន្ទនាខាងក្រោម និងវីដេអូខាងក្រោម ដើម្បីជ្រាបកាន់តែច្បាស់៖
កំណត់ហេតុខ្មែរឡូត៖
គួររំលឹកព័ត៌មានលើកមុនផងដែរថា មួយរយៈចុងក្រោយនេះ តារាចម្រៀងស្រី កញ្ញា លី អ៊ីវ៉ាធីណា ហាក់ដូចជារាងស្ងប់ស្ងាត់ច្រើន ក្រោយរឿងរ៉ាវមួយចំនួនបានកើតឡើង។ តែយ៉ាងណាមិញកាលពីម្សិលមិញនេះដែរ កញ្ញាបានបង្ហោះរូបថតថ្មីចំនួន ៤សន្លឹក ដែលពិតជាប្លែកជាងសព្វមួយដងខ្លាំងណាស់។
នៅលើទំព័រហ្វេសប៊ុករបស់តារាស្រី លី អ៊ីវ៉ាធីណាបានទម្លាយរូបថតប៉ុន្មានប៉ុស្តិ៍ ជាមួយបុរសសាច់ដុំធំៗដ៏ស្រស់សង្ហារម្នាក់ ក្នុងកាយវិការស្និទ្ធស្នាល និងមានរូបខ្លះ ត្រូវបានបុរសរូបនោះអោបថើបទៀតផង។
ទោះជាយ៉ាងណា បើតាមការសរសេរបញ្ជាក់ នៅលើទំព័រហ្វេសប៊ុករបស់កញ្ញា លី អ៊ីវ៉ាធីណាឲ្យដឹងថា រូបថតទាំងនេះ គ្រាន់តែជាឈុតឆាកថតបទចម្រៀងថ្មី របស់នាងប៉ុណ្ណោះ ដែលមានចំណងជើងថា «Babe I am Sorry» ។
អ្នកគាំទ្រជាច្រើនមានការចាប់អារម្មណ៍ ទៅលើរូបថត នៃវីដេអូចម្រៀងថ្មីរបស់នាង ដែលពិតជាស៊ិចស៊ីមិនធម្មតា ជាមួយនឹងឈុតបីគីនីរឹបរាង បញ្ចេញសាច់ ហើយថែមទាំងអោបរឹត ស្រើបស្រាបជាមួយប្រុសសង្ហារទៀត។ ចំណែកតួប្រុសដែលថតស្និទ្ធស្នាលជាមួយ កញ្ញា លី អ៊ីវ៉ាធីណា ត្រូវបានគេដឹងថា ជាអតីត Freshie Boy គឺលោក មូល សារ៉ាវ៉ាន់ ដែលបច្ចុប្បន្ន រូបលោកទទួលបានការថតសម្តែង និងវីដេអូចម្រៀងជាច្រើនតាមបណ្តាផលិតកម្មនានាផងដែរ៕
តោះទស្សនារូបថតស៊ិចស៊ីរបស់ កញ្ញា លី អ៊ីវ៉ាធីណា បន្តិចទៅមើល៍!
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]