បែកគ្នាយូរ មាស សុខសោភា ឆ្លៀតទៅលេងអតីតមិត្តរួមទ្រនំ លីអុីវ៉ាធីណា នៅតែស្អាត

តារាកម្សាន្ត៖ ធ្លាប់ជាអតីតមិត្តរួមទ្រនំ និងប្រឡូកអាជីពជាតារាចម្រៀងដូចគ្នា កាលពីពេលថ្មីៗកន្លងទៅនេះ តារាចម្រៀងស្រី សម្លេងផ្អែមពិរោះ និងជាម្ចាស់បទ ដើមឈើស្នេហ៍ កញ្ញា មាស សុខសោភា បានសាងភាពភ្ញាក់ផ្អើលជាខ្លាំង ក្រោយបានបង្ហាញរូបថតប៉ុន្មានសន្លឹកជាមួយនឹងតារាចម្រៀងអ្នកនាង លីអុីវ៉ាធីណា រហូតធ្វើឲ្យហ្វេនៗនាំគ្នាសរសើរព្រាតពេញហ្វេនប៊ុកតែម្តង។

ជាក់ស្តែងនៅក្នុងរូបថតនោះ កញ្ញាមាស សុខសោភា បានបង្ហាញមុខជាមួយនឹងអ្នកនាង លីអុីវ៉ាធីណា បង្ហាញសម្រស់ដ៏ស្រស់ស្អាត មុខសម៉ត់រលោង សាច់នៅតែចាំ មិនចាស់តាមវ័យទាល់តែសោះ ព្រមទាំងបានបង្ហោះសារភ្ជាប់បន្ថែមមួយឃ្លាដ៏មានន័យថា៖

សូមរំលឹកផងដែលថា កញ្ញាមាស សុខសោភា និងអ្នកនាង លីអុីវ៉ាធីណា ធ្លាប់ជាមិត្តរួមផលិតកម្មចម្រៀងជាមួយគ្នា ពោលគឺសុទ្ធសឹងតែជាតារាចម្រៀងដ៏ល្បីប្រចាំផលិតកម្មថោន និងត្រូវបានហ្វេនៗស្គាល់ថាអ្នកទាំងពីរក៏ជាមិត្តភក្តិដ៏ល្អ និងជិតស្និទ្ធជាមួយគ្នាផងដែរ៕

ចង់ឃើញថាតើ កញ្ញា មាស សុខសោភា និង អ្នកនាងលីអុីវ៉ាធីណា ស្រស់ស្អាតយ៉ាងណានោះ សូមទស្សនារូបភាពខាងក្រោមនេះទាំងអស់គ្នា៖