រាជធានីភ្នំពេញ ៖ តារាភាពយន្តសារ៉ាយ សក្ខណា មិនសប្បាយចិត្តទេ ចំពោះការលើកឡើងថា ម្តាយរបស់នាងជាម៉ែយ៉ែម ។ ក្រុមគ្រួសារសក្ខណាចាត់ទុកថា នោះជាព័ត៌មានប៉ះពាល់ដល់កិត្តិយសបំផុត ។
ព័ត៌មានពីតារាសម្តែង និងម៉ូដែលកញ្ញាសូរ អេណា ដែលរងការចោទថា ដណ្តើមប្តីគេនោះ ក៏បានសាយភាយធ្លាយទៅដល់អ្នកស្រីផាន សម្ផស្ស ម្តាយរបស់អ្នកនាងសារ៉ាយ សក្ខណា ដែរថា ជាអ្នកដឹកញីប្រស៊ីឈ្មោល ។ សារ៉ាយ សក្ខណា ធានាអះអាងថា ម្តាយនាងមិនប្រព្រឹត្តដូចការចោទប្រកាន់ទេ ដោយនាងហ៊ានយកកិត្តិយស ដែលនាងសាងជាច្រើនឆ្នាំមកធានា ។
ទោះបីជាពាក្យជេរប្រមាថទៅកាន់ពិធីការិនីទូរទស្សន៍ប៉ុស្តិ៍ CTV 8 HD កញ្ញាសូរ អេណា បានស្ងប់ស្ងាត់ក្តី តែពាក្យចោទប្រកាន់លើម្តាយអ្នកនាងសារ៉ាយ សក្ខណា នៅមិនទាន់ជ្រះស្រឡះនៅឡើយ ។ បន្ថែមលើពាក្យពេចន៍ហែកកេរ្តិ៍នាងសូរ អេណា នោះ ហ្វេសប៊ុក Marie Young បានបង្ហាញពីរូបថត អ្នកស្រីសម្ផស្ស ជាម្តាយរបស់អ្នកនាងសារ៉ាយ សក្ខណា ជាថៅកែហាងស៊ុបថាជាអ្នកដឹកញីប្រស៊ីឈ្មោល គឺទាក់ទងនាងសូរ អេណា ឱ្យបុរសជាប្តីគេនោះ ។
អ្នកស្រីផាន សម្ផស្ស បានច្រានចោលការចោទប្រកាន់នេះថាជាការនិយាយបំផ្លើសមិនពិត។ អ្នកស្រីមិនប្រព្រឹត្តអំពើបែបថោកទាបនោះទេ ហើយអ្នកស្រីក៏ដូចជាមិនសូវយល់ដឹងពីរឿងហ្វេសប៊ុកច្រើនដែរ ។ «រឿងទទួលភ្ញៀវ គឺជាភារកិច្ចរបស់ខ្ញុំដែលជាម្ចាស់ហាង ដែលបើករបរបម្រើអាហារនេះស្រាប់ ហើយខ្ញុំស្វាគមន៍ និងរាក់ទាក់គ្រប់តែភ្ញៀវ ។
ឯក្មួយសូរ អេណា នោះវិញគ្រាន់តែស្គាល់ នាងថាជាតារាស្រីដូចជា ក្មេងៗតារា ផ្សេងៗដទៃដែរ ហើយត្រង់គេហៅខ្ញុំថាម៉ាក់នោះ គឺ ក្មេងៗប្រុសស្រីជាតារាតែងតែហៅបែបនេះ ព្រោះពួកគេក៏មានវ័យអាចចាត់ទុកជាកូនខ្ញុំ ។ រឿងចោទប្រកាន់នេះ មានការប៉ះ ពាល់ដល់កិត្តិយស ហើយក៏មិនចង់ធ្វើអ្វីដោយភាពតក់ក្រហល់ដោះស្រាយបញ្ហា ទើបបានជាខ្ញុំត្រូវសាកសួរផ្ទាល់ជាមួយនឹងអ្នក ចោទនោះសិន» ។
បន្ថែមលើសម្តីម្តាយនោះ អ្នកនាងសារ៉ាយ សក្ខណា បញ្ជាក់ថា នាងមិនចង់ឲ្យរឿងនេះកាន់តែវែងឆ្ងាយទេ ប៉ុន្តែអ្វីដែលនាងចង់បញ្ជាក់គឺម្តាយនាងមិនបានប្រព្រឹត្តដូចការចោទប្រកាន់ទេ ។ ម្តាយដើរតាមនាងចាប់តាំងពីនាងចាប់អាជីពសិល្បៈមក ហើយអ្នក សិល្បៈជាច្រើន និងអ្នកក្រៅរង្វង់សិល្បៈមួយចំនួនសុទ្ធតែដឹងថានាងនិងម្តាយជាមនុស្សប្រភេទណា ។
«ប្រសិនបើម្តាយនាងខ្ញុំជាម៉ែយ៉ែមមែន ម្ល៉េះមិនសមឲ្យម្តាយប្រឹងប្រែងលក់ដូរមិនស្គាល់យប់ថ្ងៃទេ ។ កិត្តិយសពិតជាសំខាន់សម្រាប់នាងខ្ញុំនិងគ្រួសារ ហើយនាងខ្ញុំសុខចិត្តយកកិត្តិយសខ្លួនមកធានាអះអាងថា ម្តាយនាងខ្ញុំមិនបានប្រព្រឹត្តដូចការចោទ ប្រកាន់ទេ ។ មុខមាត់នាងខ្ញុំប៉ុណ្ណឹងដែរ ហេតុអីឲ្យម្តាយទៅប្រព្រឹត្ត និងប្រកបការងារបែបហ្នឹង» ។
សារ៉ាយ សក្ខណា រំពឹងថា ទស្សនិកជននឹងជឿជាក់លើភាពស្អាតស្អំរបស់នាង និងម្តាយ។ ទោះជាយ៉ាងណាក្តី សក្ខណានិងក្រុមគ្រួសារមានបំណងចង់ឲ្យស្ត្រីដែលចោទប្រកាន់នោះចេញមុខនិយាយតទល់គ្នា ដើម្បីចៀសវាងយល់ខុសណាមួយមកលើម្តាយនាង ។
រហូតមកទល់ពេលនេះក្រុមគ្រួសារសារ៉ាយ សក្ខណា មិនថាខាងប្តី និងខាងសារ៉ាយ សក្ខណាទេ គឺបានស្រុះស្រួលគ្នាឲ្យសក្ខណាបើកមុខរបរជាថៅកែហាងកែសម្រស់មួយនៅភ្នំពេញដែលជិតសម្ពោធនាពេល ឆាប់ៗខាងមុខ ក៏ព្រោះពង្រឹងជីវភាព ។ ប្រការនេះហើយទើបធ្វើឲ្យកំហឹងឆួលឡើងក្នុងពេលមានពាក្យមិនល្អមកលើម្តាយតារាសម្តែងរូបនេះ ៕
ប្រភព៖ កោះសន្តិភាព
កំណត់ហេតុខ្មែរឡូត៖ ដោយឡែក រំលឹកព័ត៌មានចាស់លើកមុនផងដែរថា តារាសម្តែង និងជាតារាម៉ូឌែល កញ្ញា សូរ្យ អេណា ត្រូវបានគណនី Facebook ឈ្មោះថា Marie Young ចេញមុខហែកហួរ ដោយចោទប្រកាន់ថាបានលួចទាក់ទងស្នេហ៍ជាមួយប្តីគេ ហើយមិនត្រឹមតែប៉ុណ្ណោះថានាង សូរ្យ អេណា ថែមទាំងហ៊ានផ្គើនចង់ណាត់ជួបមុខប្រពន្ធគេទៀតផង ដោយគណនីរូបនេះ បានបង្ហោះសារថតលើទូរសព្ទ ដែលមានគេផ្ញើមកទូរសព្ទរបស់ខ្លួនថា «បើខ្លាំងចេញមុខមកនិយាយជាមួយអញ កុំលាក់មុខដូចកង្កែបក្នុងអណ្តូង»។
យ៉ាងណាមិញ បញ្ហានេះនៅមិនទាន់ចប់ទេ ដោយកាលពីម្សិលមិញ វេលាម៉ោង ៤រសៀល ថ្ងៃទី ៣០ កក្កដា ២០១៦ ម្ចាស់គណនី Marie Young ដដែលនេះ បានបង្ហោះរូបភាពចំនួន ៦សន្លឹក និងសរសេរសារវែងអន្លាយមួយជាសាធារណៈ វាយប្រហារមិនសំចីមាត់ ទៅលើតារាសម្តែង និងជាតារាម៉ូឌែលរូបនេះ ដែលត្រូវគេដឹងថា ជាពិធីការិនីប្រចាំទូរទស្សន៍ CTV8HD ផងដែរ។
នៅក្នុងចំណោមរូបភាពទាំងនោះ អ្វីដែលជាចំនុចរស៊ើបបំផុតនោះគឺថា មានជាប់រូបភាពសារ៉ាយ សក្កណា និងម្តាយរបស់នាងទៀតផង ដែលគណនី Facebook ដដែលរូបនេះ ទំនងជាប្រពន្ធដើម បានសរសេរថា៖ «ត្រឹមត្រូវនេះជាអាខោនក្លែងក្លាយពិតប្រាកដ ហើយក៏មិនចាំបាច់ ត្រូវប្រើអាខោនពិតដែរ ព្រោះមីខ្មៅគ្រប់យ៉ាងនេះ វាស្គាល់មុខប្រពន្ធដើមគេច្បាស់ណាស់ បើយកគ្នាហើយ មិនបាច់លេបខាយប្រពន្ធគេ ក៏គេមិនហែកមីថោកទាបហ្នឹងចឹងដែរប៉ុន្តែដោយសារវាឈ្លើយហួស ទើបគេទ្រាំមិនបាន ឃើញគេមិនតបតកាន់តែខ្លាំងដៃ។សំណាងហើយ ដែលគាត់មិនរើសយកការសំលាប់ និងជះទឹកអាស៊ីតដាក់នោះ។
មួយវិញទៀត មីកាចាស់ស្កូវលើ ស្កូវក្រោមឯង ប្រយ័ត្នកម្មពាវាធ្លាក់លើកូន និងចៅនាងឯងដែលជាស្រីដូចគ្នា ពូកែណាស់អាខាងទាក់ទងអោយប្រុស មីម៉ែយ៉ែមលាក់មុខ។ ជួយមើលមុខម៉ែធម៌មីអស់សាច់នឹងទៅ គ្នាវាតែមួយទេ គេទៅទាក់ទងពីដំបូង ក៏ចេញពីកន្លែងស៊ីស៊ុបរបស់មីកាចាស់ហ្នឹងដែរ។ ខាងក្រៅធ្វើដូចត្រឹមត្រូវសុភាពរាបសាណាស់ តែតាមពិតគឺជាព្រាយបីសាចសោះ អាប្រុសដែលងែងកំពុងតែអោយវា រុករាល់ថ្ងៃនឹងយកចុះ ចាំមើលពេលវាគ្មានលុយ ងែងនៅអោយវាបុករុកទៀតអត់ អាញ់មិនជឿថាហងស្រលាញ់វាដោយស្មោះនោះទេគឺងែងស្រលាញ់លុយវាតែប៉ុណ្ណោះ។ យកចុះអាប្តីហេងស៊យ អាញ់ទ្រាំលែងបានហើយ ទៅទាំងគូចុះអាប្រុសល្មោមកាម និងមីស្រីឃ្លានលុយអត់ខ្មាស់។ មួយទៀតមើលមុខអាឪមីសំផឹងហ្នឹងផង ហៅប្រុសដែលរុកកូនវា សុទ្ធតែកូនកូនពេញមាត់ ដឹងហើយទាំងឪទាំងកូន ថាគេមានប្រពន្ធ និងកូនរួចហើយ តែនៅតែបំពានគ្មានខ្មាស់»។
ពាក់ព័ន្ធនឹងព័ត៌មាននេះដែរ គេមិនទាន់ដឹងថាអ្វីដែលគណនី Facebook ឈ្មោះ Marie Young បានបង្ហោះជាការពិត ឬក្លែងក្លាយនៅឡើយទេ ខណៈដែលអ្នកសារព័ត៌មាន បានព្យាយាមសុំការបំភ្លឺពីអ្នកស្រីសម្ផស្សដែរ តែមិនទាន់អាចសុំការសម្ភាសន៍បាននៅឡើយ ខណៈដែលអ្នកនាងសារ៉ាយ សក្ខណាវិញ មិនទាន់បានឆ្លើយតបទៅកាន់ប្រអប់សារក្នុង Facebook ដែលអ្នកសារព័ត៌មានបានផ្ញើទៅផងដែរ។
ទោះជាយ៉ាងណាយើងនឹងរង់ចាំមើលតទៅទៀត អំពីបញ្ហានេះ និងបើមានព័ត៌មានបន្ថែម ឬមានការបកស្រាយពីម្ចាស់សាមីខ្លួន ខ្មែរឡូតនឹងចុះផ្សាយជូនប្រិយមិត្តបានជ្រាប នៅពេលបន្ទាប់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]