ភ្នំពេញ៖ ខាត់ សុឃីម តារាពហុជំនាញ ក្នុងពិភពសិល្បៈ បានយកថ្ងៃខួបកំណើតប្តី ធ្វើបុណ្យដាក់ទាន ដែលជាហេតុផលមួយ ដូចតារាមួយចំនួន និងខុសពីតារាផ្សេងៗ ដែលយកថ្ងៃនេះ ផឹកស៊ីរាំរែក ដោយបើកកម្មវិធីធំៗ តែម្តង។
តាមរយៈវីដេអូឃ្លិបនេះ ខាត់ សុឃីម ដែលចែកចាយទៅកាន់សាធារណៈជន ឲ្យដឹងថា នាងនឹងយកថ្ងៃខួបកំណើតនេះ ធ្វើបុណ្យដាក់ទាន ទៅកាន់មនុស្សវ័យចំណាស់ មួយចំនួន ។
ខាត់ សុឃីម និយាយថា «រីករាយខួបកំណើតប្តីសម្លាញ់ សូមអ្នកមិត្តភក្តិ សូមទោស Friend ទាំងអស់គ្នា មិនមែនចង់អួតអីទេ ហើយប្តីខ្ញុំគាត់ក៏មិនចូលចិត្តដែរ អារឿងបង្ហោះអីហ្នឹង តែថ្ងៃនេះជាថ្ងៃខួបកំណើត របស់គាត់ ចឹងខ្ញុំសូមចូលរួម ជូនពរគាត់បន្តិច ព្រោះអីអត់មានកាដូអីឲ្យ »។
ខាត់ សុឃីម បានបន្ថែមទៀតថា ក្នុងថ្ងៃខួបកំណើតប្តីខ្លួន នាងមានតែចិត្តនឹងថ្លើម ហើយនឹងខ្លួនប្រាណ ក្នុងនាមជាប្រពន្ធម្នាក់ ដោយចង់លើកកម្លាំងចិត្ត ប្តី ហើយការស្រឡាញ់ខ្ញុំ មានរាល់ថ្ងៃ ដូចញ៉ាំបាយចឹង ច៎ាស ខ្ញុំញ៉ាំបាយគឺញ៉ាំរាល់ថ្ងៃ ក្តីស្រឡាញ់ខ្ញុំមានចំពោះគាត់ រៀងរាល់ថ្ងៃដែរ ហើយក្នុងថ្ងៃនេះជាថ្ងៃសីល ថ្ងៃខួបកំណើតប្តី ចឹងខ្ញុំមិនបានទៅវត្តអីទេ ។
ក្នុងនោះដែរ ខាត់ សុ ឃីម បានអះអាងថា នាងមិនបានធ្វើកម្មវិធីអ្វី ជូនប្តីនោះទេ មានតែធ្វើបុណ្យ ធ្វើទានតិចទៀត ដើម្បី ឲ្យថ្ងៃខួបកំណើតមួយដ៏មានន័យ ដោយនឹងជូនថវិកា ដល់លោកគ្រូ សុខ ឌុច គ្រូចាបី ខ្សែដៀវ ២០ ម៉ឺនរៀល និងជួយដល់លោក តាម្នាក់ដែលរងគ្រោះថ្នាក់ចរាចរណ៍ ដោយកំពុងសម្រាក នៅពេទ្យលោកសង្ឈ ជូន ២០ ម៉ឺនរៀលដែរ ៕ ទស្សនាវីដេអូឃ្លិប ដូចខាងក្រោមនេះ៖
ប្រភព៖ ដើមអម្ពិល
កំណត់ហេតុខ្មែរឡូត៖
ដោយឡែករំលឹកព័ត៌មានចាស់លើកមុនផងដែរថា តារាពហុជំនាញ ខាត់ សុឃីម នៅមុននេះបន្តិច រសៀលថ្ងៃទី១៥ ខែមិថុនា ឆ្នាំ២០១៦ បានបង្ហោះវីដេអូឃ្លិបមួយថ្លែង ទាំងអួលដើមករ អាណិតអាសូរ ដល់តាម្នាក់ ដែលរស់នៅបាត់ដំបូង យកចៅទៅពេទ្យ តែពេទ្យអត់មើល ។
ខាត់ សុឃីម បាននិយាយថា «នាងខ្ញុំបានឃើញព័ត៌មានមួយព្រឹកមិញ ពិតជាអាណោចអាធម ក្នុងចិត្ត នៅពេលដែលឃើញ លោកតាម្នាក់ បីចៅគាត់ចូលពេទ្យ នៅខេត្តបាត់ដំបង ហើយពេទ្យនោះមិនបានសង្គ្រោះចៅគាត់» ។
តារាពហុជំនាញ ថ្លែងទាំងអួលដើមករថា ខ្ញុំមានកូន ដែរ ខ្ញុំដឹងណាស់ ក្នុងអារម្មណ៍ខ្ញុំអត់ស្ងប់ទេ ព្រោះអីខ្ញុំបានផុសម្តង គ្រាន់តែសរសេរ ហើយ Share ចឹង តែឥឡូវអត់អស់ចិត្ត ដូចថា ខ្ញុំអាណិតក្មេងហ្នឹងមែនទែន ។
តាមរយៈវីដេអូឃ្លិបនេះ ខាត់ សុឃីម ក៏បានធ្វើការសំណូមពរ ដល់ពេទ្យទាំងអស់គ្នា ដែលមានតួនាទី ជាពេទ្យ ខ្ញុំមិនចោទទាំងអស់នោះទេ ព្រោះអី ពេទ្យខ្លះចិត្តល្អមែនទែន តែពេទ្យខ្លះទៀតគាត់មិនយកចិត្តទុកដាក់ គាត់គិតថា បើមិនមានលទ្ធភាពច្រើន គាត់មិនអាច ព្យាបាលបាន ខ្ញុំដឹង ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]