ភ្នំពេញ៖ តារាពហុជំនាញ ខាត់ សុឃីម នៅមុននេះបន្តិច រសៀលថ្ងៃទី១៥ ខែមិថុនា ឆ្នាំ២០១៦ បានបង្ហោះវីដេអូឃ្លិបមួយថ្លែង ទាំងអួលដើមករ អាណិតអាសូរ ដល់តាម្នាក់ ដែលរស់នៅបាត់ដំបូង យកចៅទៅពេទ្យ តែពេទ្យអត់មើល ។
ខាត់ សុឃីម បាននិយាយថា «នាងខ្ញុំបានឃើញព័ត៌មានមួយព្រឹកមិញ ពិតជាអាណោចអាធម ក្នុងចិត្ត នៅពេលដែលឃើញ លោកតាម្នាក់ បីចៅគាត់ចូលពេទ្យ នៅខេត្តបាត់ដំបង ហើយពេទ្យនោះមិនបានសង្គ្រោះចៅគាត់» ។
តារាពហុជំនាញ ថ្លែងទាំងអួលដើមករថា ខ្ញុំមានកូន ដែរ ខ្ញុំដឹងណាស់ ក្នុងអារម្មណ៍ខ្ញុំអត់ស្ងប់ទេ ព្រោះអីខ្ញុំបានផុសម្តង គ្រាន់តែសរសេរ ហើយ Share ចឹង តែឥឡូវអត់អស់ចិត្ត ដូចថា ខ្ញុំអាណិតក្មេងហ្នឹងមែនទែន ។
តាមរយៈវីដេអូឃ្លិបនេះ ខាត់ សុឃីម ក៏បានធ្វើការសំណូមពរ ដល់ពេទ្យទាំងអស់គ្នា ដែលមានតួនាទី ជាពេទ្យ ខ្ញុំមិនចោទទាំងអស់នោះទេ ព្រោះអី ពេទ្យខ្លះចិត្តល្អមែនទែន តែពេទ្យខ្លះទៀតគាត់មិនយកចិត្តទុកដាក់ គាត់គិតថា បើមិនមានលទ្ធភាពច្រើន គាត់មិនអាច ព្យាបាលបាន ខ្ញុំដឹង ។
នាងបន្តថា មនុស្សម្នាក់ៗ ត្រូវតែរស់ ដើម្បីតែលុយកាក់ហ្នឹងហើយ ព្រោះអីមានលុយកាក់ច្រើន ទើបយើងមានក្តីសុខ ភាគច្រើនអ្នកខ្លះគិតអ៊ីចឹង តែសម្រាប់ខ្ញុំអ្នកមានកូនតូច ដូចធ្លាប់ឆ្លងកាត់ជីវិតពិបាកមក ពេលខ្លះគុណធម៌វា ជារឿងធំ សម្រាប់ជីវិតម្នាក់ៗ យើងត្រូវតែមានគុណធម៌ កើតមកក្នុងលោកនេះ តែខ្ញុំពិតជាអាណិតអាសូរក្មេងនេះមែនទែន ឃើញគេ Share តៗគ្នា។
ក្នុងនោះដែរ ខាត់ សុឃីម ថានាងមិនបន្ទោសនរណាគេនោះទេ វាអត់យល់នោះទេ តែក្មេងនោះបានស្លាប់ទៅហើយ ដោយគ្រាន់តែ រំលែកទុក្ខ ជាមួយគ្រួសារជនរងគ្រោះ អាណិតជីតាហ្នឹងណា ។ ខាត់ សុឃីម ក៏បានអំពាវនាវថា បើបងប្អូននៅបាត់ដំបង បានដឹង សូមប្រាប់ផង នាងចង់ចូលបុណ្យគាត់ ៕
ទស្សនាវីដេអូឃ្លិបដូចខាងក្រោមនេះ៖
ប្រភព៖ ដើមអម្ពិល
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]