ខាត់ សុឃីម រៀបចំខួបកំណើតស្វាមី ឡើងសាមញ្ញ តែមានក្តីសុខ!

ភ្នំពេញ៖ អាចនិយាយបានថាអ្នកនាង ខាត់ សុឃីម ពីមួយថ្ងៃទៅមួយថ្ងៃ មានភាពមមាញឹកជាមួយនឹងការងារសិល្បៈរបស់ ខ្លួន យ៉ាងខ្លាំងបូករួមទាំងការរកស៊ី ទទួលបានការគាំទ្រផងដែរ។

ជាមួយគ្នានេះដែរ ខណៈពេលដែលអ្នកនាង ខាត់ សុឃីម និងស្វាមីកំពុងតែ កាក់កបកើបលុយ ស្ទើរតែគ្រប់វិស័យនោះ រាល់សកម្មភាពក៏ដូចជាជីវីតប្ដីប្រពន្ធរបស់ អ្នកទាំងពីរ ត្រូវបានប្រិយមិត្តតាមដានមិនរំលងនោះទេ។ នេះបើផ្អែកទៅលើការបង្ហោះនៅលើបណ្ដាញសង្គមរបស់ខ្លួន នាពេលបច្ចុប្បន្ននេះ។

ជាក់ស្ដែង កាលពីម្សិលមិញត្រូវជាថ្ងៃខួបកំណើតរបស់ លោក អ៊ឺង ផាណូ ដែលត្រូវស្វាមីរបស់ អ្នកនាង ខាត់ សុឃីម នោះ គេសង្កេតឃើញមានការជូនពរទៅកាន់ លោក ពីសំណាក់អ្នកគាំទ្ររបស់ យ៉ាងច្រើនផងដែរ។

តែអ្វីដែលមានការចាប់អារម្មណ៍ លើសពីនេះទៅទៀតនោះគឺ អ្នកនាង ខាត់ សុឃីម និងស្វាមី សុទ្ធតែជាតារាលំដាប់ជួរមុខ តែរៀបចំកម្មវិធីខួបកំណើតឲ្យស្វាមីរបស់ខ្លួន យ៉ាងសាមញ្ញ ពោរពេញទៅដោយស្នាមញញឹមគ្រប់គ្នាតែម្ដង ។

គួររម្លឹកផងដែរថា នេះមិនមែនជាលើកទីមួយនោះទេ ដែលអ្នកនាង ខាត់ សុឃីម និងស្វាមីតែងតែធ្វើខួបកំណើតរបស់ខ្លួន បែបនេះជារៀងរាល់ឆ្នាំតែម្ដង ៕

តោះទៅទស្សនារូបភាពទាំងអស់គ្នា៖ 

• ខាត់ សុឃីម
• រូបភាព
• តារាខ្មែរ