ភ្នំពេញ៖ អាចនិយាយបានថាតាំងពីតារាចម្រៀងប្រុស សម្បុរស្រអែមដ៏មានប្រជាប្រិយភាពលោក ឆាយ វីរៈយុទ្ធ បានរៀបអាពាហ៍ពិពាហ៍រួចមក គេសង្កេតឃើញថា ប្រជាប្រិយភាពរបស់លោក នៅតែមានការគាំទ្រ ខ្លាំងពីសំណាក់ ពុក ម៉ែ បងប្អូនដដែល ។
ជាមួយគ្នានេះដែរបន្ទាប់ពីចាប់ដៃគ្នាជាប្តីប្រពន្ធរួច ឃើញថាតារាចម្រៀងប្រុសរូបនេះ និងភរិយាក៏តែងតែបង្ហាញភាពផ្អែមល្ហែមទៅកាន់គ្នា ធ្វើឲ្យអ្នកគាំទ្រលាន់មាតសរសើរខ្លាំងមែនទែន នាពេលកន្លងមក ។
ជាក់ស្ដែង អ្វីដែលកាន់តែពិសេស និងភ្ញាក់ផ្អើលយ៉ាងខ្លាំងជាងនេះទៅទៀតនោះគឺ តារាចម្រៀងប្រុស លោក ឆាយ វីរៈយុទ្ធ រូបនេះ បានបង្ហោះរូបភាព នៅលើគណនីហ្វេសប៊ុក ឲ្យធ្វើបណ្ដាអ្នកគាំទ្រ មានការភ្ញាក់ផ្អើលយ៉ាងខ្លាំង ក្រោយពីបានឃើញបែបនេះ ។
ក្នុងនោះ លោក ក៏បានបង្ហើបពីរឿងដ៏សប្បាយចិត្តនៅក្នុងគ្រួសារ ប្រាប់ទៅកាន់មហាជនថា៖ «មួយជីវិតរបស់ខ្ញុំ គាត់ជាកូនដំបូងរបស់ខ្ញុំ គាត់នៅក្នុងផ្ទៃ 20សប្តាហ៍ 6ថ្ងៃហើយ អរគុណបងប្អូនទាំងអស់គ្នាដែលតែងតែយកចិត្តទុកដាក់ចំពោះគ្រួសាររបស់ខ្ញុំ ជូនពរបងប្អូនប្រិយមិត្តជួបតែសេចក្តីសុខគ្រប់ៗក្រុមគ្រួសារ៕ សូមអរគុណ ពីខ្ញុំ ឆាយ វីរៈយុទ្ធ»។
ក្រោយពីបានឃើញសារបែបនេះហើយ បណ្តាអ្នកគាំទ្រជាច្រើនពិតជារំភើបជំនួសលោក ហើយពួកគេក៏បានចូលរួមអបអរសារទរ នៅពេលដែលតារាចម្រៀងប្រុសរូបនេះ ក្លាយទៅជាឪពុកគេចាប់ពីពេលនេះហើយ៕
តោះដើម្បីជ្រាបច្បាស់ទៅ ទស្សនារូបភាពទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
