សំណាងណាស់! តារាប្រុសទាំងនេះ បានប្រពន្ធទាំងពូកែរកស៊ី ទាំងស្អាត និងជាម៉ាក់ល្អ

កម្សាន្ត៖ ការជ្រើសរើសគូស្រករមិនប្រកាន់ពីឋានៈ ជាតិសាសន៍ឡើយ សំខាន់មនុស្សពីរនាក់ស្រលាញ់ និងឲ្យតម្លៃគ្នាទៅវិញទៅមក។ បើនិយាយពីជីវិតគូរបស់តារាខ្មែរ គេឃើញថាមានតារាល្បីៗជាច្រើនបានសម្រេចចិត្តរៀបការកសាងជីវិតគ្រួសារយ៉ាងមានក្ដីសុខ ដោយអ្នកខ្លះបានរៀបការនឹងអ្នកនៅក្នុងរង្វង់សិល្បៈដូចគ្នា ខ្លះទៀតរៀបការនឹងអ្នកក្រៅរង្វង់សិល្បៈជាដើម។ 

បើក្រឡេកទៅមើលសិល្បៈករល្បីៗ ដែលសម្រេចចិត្តជ្រើសរើសភរិយាអ្នកក្រៅរង្វង់សិល្បៈ គេដឹងថាសិល្បករទាំងនោះ ពិតជាសំណាងខណៈដែលភរិយា មានទាំងចរិតល្អ រូបសម្ផស្សស្រស់សោភា ពូកែយល់ចិត្តស្វាមី ហើយថែមទាំងជាស្ត្រីដែលពូកែខាងរកស៊ីយ៉ាងជោគជ័យថែមទៀតផង។ ហើយសិល្បករដែល ជ្រើសរើសភរិយាបានយ៉ាងត្រឹមត្រូវ ប្រៀបបានជាគ្រប់ពេជ្រនោះមានដូចជា៖ 

១៖ លោក ជា វណ្ណារិទ្ធ

ពិតណាស់ ពិធីករដ៏ល្បីលោក ជា វណ្ណា បានរៀបការជាមួយភរិយាអស់ជាច្រើនឆ្នាំ ព្រមទាំងមានកូនប្រុសដល់ទៅ២គួរឲ្យក្នាញ់។ម្យ៉ាងភរិយារបស់លោក ក៏មានជំនួញក្នុងដៃ ដែលកំពុងជោគជ័យខ្លាំងផងដែរ។

២៖ លោក កែវ វាសនា

ស្របពេលដែលរៀបការរួច គេកត់សម្គាល់ឃើញថាជីវភាពរបស់តារាចម្រៀងលោក កែវ វាសនា ហាក់កាន់តែឡើង ខណៈចាប់ដៃគ្នារកស៊ីជាមួយភរិយាតាមរយៈ ការលក់ផលិតផលថែសម្រស់ រហូតជោគជ័យមានផ្ទះវីឡានៅ និងជិះឡានទំនើប។

៣៖ លោក នី រតនា 

តារាចម្រៀងវ័យក្មេងលោក នី រតនា បានរៀបការនឹងនារីអ្នកនៅក្រៅរង្វង់សិល្បៈអស់ជាច្រើនឆ្នាំ ហើយពេលនេះក៏មានចំណងដៃកូនស្រីម្នាក់ផងដែរ។ បើនិយាយពីភរិយាតារារូបនេះ គេដឹងថានាងមានមុខជំនួញក្នុងដៃ និងក្លាយជាម្ចាស់ប្រេនផ្ទាល់ខ្លួន និងកំពុងជោគជ័យមួយផ្នែកធំផងដែរ។ 

៤៖ លោក ឆាយ វីរៈយុទ្ធ

ប្រិយមិត្តបានដឆងរួចមកហើយថា ភរិយាតារាចម្រៀងញញឹមស្រស់លោក ឆាយ វីរៈយុទ្ធ ជាអ្នកជំនួញផ្នែកអង្ករដ៏ធំមួយក្នុងដៃហើយក៏ជាស្ត្រីម្នាក់ដែលពូកែផងដែរ។