ប្រុសៗគួរយកគំរូតាម ឆាយ វីរៈយុទ្ធ ទោះរវល់យ៉ាងណាក៏ឆ្លៀតធ្វើខួបកំណើតឲ្យភរិយា យ៉ាងរ៉ូមែនទិច

កម្សាន្ត៖ ដូចដែលដឹងស្រាប់ហើយថា លោក ឆាយ វីរៈយុទ្ធ ដែលជាតារាចម្រៀងប្រុសសំនៀងពីរោះធ្លាប់ជាកម្លោះឆក់យកដួងចិត្តមហាជន ដោយឡែកពេលនេះ លោកមានគ្រួសារដ៏មានសុភមង្គលជាមួយនារីស្រស់ស្អាតម្នាក់។

ជាពិសេស តារាប្រុសរូបនេះ ពិតជាស្រឡាញ់ភរិយាខ្លួនជាខ្លាំង មិនថាលោករវល់នឹងការងារយ៉ាងណា ក៏មិនភ្លេចនាំនាងទៅចំណាយពេលដ៏ផ្អែមល្ហែមជាមួយគ្នានោះដែរ។ ទន្ទឹមនឹងនោះ ថ្មីៗនេះ លោក ឆាយ វីរៈយុទ្ធ បានបង្ហោះរូបជាមួយភរិយានៅក្នុងភោជនីយដ្ឋានមួយ ដើម្បីប្រារព្ធខួបកំណើត។

អ្វីដែលធ្វើឲ្យអ្នកគាំទ្រសរសើរនោះគឺ តារាចម្រៀងរូបនេះ ទោះបីជាជាប់រវល់នឹងការងារ ខកខានមិនបានធ្វើខួបកំណើតឲ្យភរិយាកាលពីថ្ងៃទី០៩ ខែកញ្ញា ឆ្នាំ២០២៣ ក៏ពិតមែន ប៉ុន្ដែលោកមិនឲ្យរំលងថ្ងៃពិសេសនេះនោះទេ បានលើកមកប្រារព្ធនៅក្នុងថ្ងៃទី១០ ខែកញ្ញានេះវិញ អង្គុយតុមួយ២នាក់ មានអាហារ មាននំខេក មានផ្កា មើលទៅពិតជារ៉ូមែនទិច គួរឲ្យច្រណែន៕

ប្រភព៖ ឆាយ វីរៈយុទ្ធ Chhay Virakyuth