ទោះរវល់យ៉ាងណា សារ៉ាយ សក្ខណា ក៏មិនភ្លេចចំណាយពេលដឹកដៃស្វាមី និងកូនស្រី ដើរលេងលំហែកាយឡើយ!

អាមេរិក៖ បន្ទាប់ពីបានរៀបការរួចមក តារាសម្ដែង សារ៉ាយ សក្ខណា បានឃ្លាតឆ្ងាយពីវិស័យសិល្បៈ រួមទាំងស្រុកខ្មែរអស់ពេលជាយូរមកហើយ។

គួរបញ្ជាក់ផងដែរថា តារាសម្ដែងសម្បុរស្រអែមរូបនេះ បានទៅរស់នៅឯសហរដ្ឋអាមេរិក ដោយទទួលបានចំណងដៃកូនស្រីមួយ ដ៏គួរឲ្យស្រលាញ់ផងដែរ។

លើសពីនេះ គេតែងសង្កេតឃើញថា ជីវិតគ្រួសាររបស់តារាស្រីរូបនេះ តែងមានភាពផ្អែមល្ហែមជាខ្លាំង ព្រមទាំងពោរពេញដោយសុភមង្គលទៀតផង។ តាមរយៈគណនីហ្វេសប៊ុករបស់នាង តែងតែមានការបង្ហោះនូវរូបភាព ពេលដែលមានដំណើរកម្សាន្តជុំគ្នា ជាមួយគ្រួសារបើទោះបីជា សក្ខណា និងស្វាមីមានភាពមមាញឹកបែបណាក្ដី។

ជាក់ស្តែង កាលពីថ្មីៗនេះ រូបនាងក៏បានបង្ហោះនូវរូបភាពជាច្រើនសន្លឹក លើបណ្តាញសង្គម ពេលដែលបានទៅកម្សាន្តនៅសួនផ្កាចម្រុះពណ៌មួយកន្លែង លើទឹកដីអាមេរិក អមដោយទេសភាពយ៉ាងស្រស់ស្អាត និងទាក់ទាញយ៉ាងខ្លាំង ព្រមជាមួយទឹកមុខដ៏សប្បាយរីករាយពេលដែលបានជួបជុំគ្រួសារបែបនេះ។

ទន្ទឹមនឹងនេះ ក៏មានមហាជន ក៏ដូចជាអ្នកគាំទ្រជាច្រើន ក៏បានសម្ដែងក្តីរំភើប ចំពោះគ្រួសារដ៏រីករាយ និងកក់ក្តៅរបស់នាងនេះផងដែរ៕

ទស្សនារូបភាពខាងក្រោម៖ 

• សារ៉ាយ សក្ខណា
• រូបភាព
• តារាខ្មែរ