គួរឲ្យសរសើរ! ទើបតែជួបគ្រោះថា្នក់ ចេញពីពេទ្យភ្លាម នាយក្រិន និងប្រិមប្រិយ នៅបន្តសម្តែងនៅលើឆាក (មានវីដេអូ)

ភ្នំពេញ៖ កាលពីម្សិលមិញនេះ មានការភ្ញាក់ផ្អើលពេញបណ្តាញសង្គមហ្វេសប៊ុក ក្រោយទទួលបានដំណឹងថាតារាកំប្លែងដ៏ល្បីឈ្មោះ នាយកុយ នាយក្រិន និងកញ្ញាប្រិមប្រិយ បានជួបគ្រោះថ្នាក់ចរាចរណ៍ដ៏រន្ធត់ ធ្វើឲ្យរថយន្តត្រូវខូចខាតទាំងស្រុង ចំណែកឯមនុស្សនៅក្នុងរថយន្តក៏មិនមានបញ្ហាធ្ងន់ធ្ងរដែរ។

ដំណឹងដ៏កក្រើកនេះ បានលេចឡើងមិនបានប៉ុន្មានផង ស្រាប់តែតារាកំប្លែងទាំង២ដួង នាយក្រិន និងប្រិមប្រិយ បានចេញមុខបកស្រាយ ក៏ដូចជានិយាយពីបញ្ហាដែលបានកើតឡើងភ្លាមៗ ធ្វើឲ្យបណ្តាអ្នកគាំទ្រអាណិតដល់ពួកគេយ៉ាងខ្លាំង។

ដោយក្នុងនោះនាងក៏បានរៀបរាប់ និងធ្វើឲ្យមហាជនសរសើរដល់អ្នកទាំងពីរ ដែលទោះបីជាមានបញ្ហាបានកើតឡើងភ្លាមៗយ៉ាងណាក្តី តែតារាទាំង២នេះនៅតែបន្តឡើងសម្តែងនៅលើឆាក ប៉ុស្តិ៍ទូរទស្សន៍ បន្ទាប់ពីចេញពីមន្ទីរពេទ្យពិនិត្យសុខភាពរួច ដែលមិនសុខចិត្តបោះបង់ការងារដែលគេបានដាក់ឲ្យនោះទេ។

ក្រោយពីបានដឹងបែបនេះ បណ្តាអ្នកគាំទ្រជាច្រើនសរសើរដល់ពួកគេ ដែលមានទំនួលខុសត្រូវខ្លាំង ចំពោះការងារ ទោះបីជាខ្លួនកំពុងតែជួបបញ្ហាយ៉ាងណាក្តី។ គួរបញ្ជាក់ផងដែរថា នៅពេលនេះតារាកំប្លែងនាយកុយ កំពុងធ្វើការពិនិត្យទៅលើសុខភាពរបស់លោកបន្ថែម ក៏ប៉ុន្តែលោកមិនមានបញ្ហាធ្ងន់ធ្ងរ និងអាចបន្តការងារបានជាធម្មតា៕

សូមទស្សនាវីដេអូខាងក្រោមនេះ៖ 

• នាយកុយ
• នាយ ក្រិន
• ប្រិមប្រិយ
• វីដេអូ
• តារាខ្មែរ