ភ្នំពេញ៖ ក្រោយបានចាប់ដៃគ្នាសាងសុភមង្គល ឃើញថាតារាចម្រៀងប្រចាំផលិតកម្មហង្សមាស លោកនី រតនា កាន់តែផ្អែមល្អែម និងធ្វើឲ្យមហាជនក៏ដូចជាអ្នកគាំទ្រជាច្រើន សឹងតែលើសជាតិស្ករ រាល់ពេលឃើញសកម្មភាពថ្នាក់ថ្នម ផ្អែមល្ហែមជាមួយនឹងគូដណ្តឹងរូបស្អាត នៅលើបណ្តាញសង្គមម្តងៗ។
ទន្ទឹមនឹងការចាប់ដៃគ្នា ឈ្មោះជាគូដណ្តឹងក៏បានច្រើនខែមកហើយ រីឯថ្ងៃរៀបការរបស់លោកក៏មានការលេចលឺថា នឹងធ្វើឡើងឆ្នាំ២០១៩ ឆ្នាំក្រោយនេះហើយ ក៏ប៉ុន្តែមហាជនជាច្រើនពិតមិនទាន់ដឹង ពីថ្ងៃ និងខែពិតប្រាកដ ក៏ដូចជាបានឃើញធៀបការរបស់តារាប្រុសរូបនេះនៅឡើយនោះទេ។
មិនបានប៉ុន្មានផង ក៏ស្រាប់តែលេចនូវធៀបការរបស់តារាប្រុសរូបនេះនៅលើបណ្តាញសង្គម ដែលក្នុងនោះក៏បានបង្ហាញនូវថ្ងៃពិតប្រាកដក្នុងពិធីជ័យសិរីមង្គលរបស់លោក និងអនាគតភរិយា ដោយប្រព្រឹត្តឡើងនៅថ្ងៃសុក្រ ទី១៨ ខែមករា ឆ្នាំ២០១៩ វេលាម៉ោង៥ល្ងាច នៅដឺព្រេមៀ សេនធ័រ សែនសុខ(អាគារD និងE)។
ក្រោយពីបានដឹងបែបនេះ អ្នកគាំទ្រជាច្រើនពិតជាមានការភ្ញាក់ផ្អើល និងរំភើបចិត្តយ៉ាងខ្លាំង នៅពេលដែលការរងចាំអស់ពីជាច្រើនខែ ទីបំផុតថ្ងៃរៀបការរបស់លោកបានមកដល់ក្នុងពេលដ៏ខ្លី ខាងមុខនេះហើយ។ ជាមួយគ្នានេះ អ្នកគាំទ្រជាច្រើនក៏បាននាំគ្នាចូលរួមអបអរដល់ថ្ងៃពិសេសរបស់លោក ដែលខិតជិតចូលមកដល់នេះដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
