ថៃ៖ ប្រិយមិត្តជាច្រើនដែលបានតាមដានកម្មវិធីប្រលងMiss Universe 2018 ប្រាកដជាបានដឹងហើយថា កាលពីប៉ុន្មានថ្ងៃមុននេះ បវរកញ្ញាកម្ពុជា រឿន ណាត បានដើរម៉ូតនៅក្នុងសម្លៀកបំពាក់សូត្រថៃ ពណ៌ផ្កាឈូកមួយឈុត យ៉ាងស្រស់ស្អាត ជាមួយនឹងដំណើរយ៉ាងទន់ភន់គួរឲ្យសរសើរ។
មិនបានប៉ុន្មានផង ក៏ស្រាប់តែលេចនូវវីដេអូរបស់ជនជាតិថៃ ដែលជាហ្វេនកម្មវិធីMiss Universe មួយរូប បានបញ្ចេញវីដេអូមួយសរសើរដល់បវរកញ្ញាកម្ពុជា ធ្វើឲ្យមហាជនជាច្រើនមានការភ្ញាក់ផ្អើលយ៉ាងខ្លាំង ព្រោះថានេះជាលើកទី១ហើយដែលមានជនជាតិថៃសរសើរបវរកញ្ញាកម្ពុជាពេញៗមាត់បែបនេះ នៅក្នុងបណ្តាញសង្គម YouTube របស់ពួកគេ ។
តាមរយៈវីដេអូមួយនោះ គាត់ បាននិយាយយ៉ាងដូច្នោះថា៖ «កម្ពុជាពិតជាមានសម្រស់ស្អាត ដើរក៏ស្អាត ដាក់អារម្មណ៍បានល្អ ដំបូងកម្ពុជាគ្មានក្នុងខ្សែភ្នែកខ្ញុំទេ តែថ្ងៃនេះបវរកញ្ញាកម្ពុជាធ្វើបានល្អណាស់»។
បន្ទាប់ពីបានទស្សនាវីដេអូនេះ និងបានស្តាប់សម្តីចេញពីមាត់របស់គាត់រួច ក៏បានធ្វើឲ្យមហាជនជាច្រើនរំភើបចិត្តជាខ្លាំង នៅពេលដែលបានសរសើរដល់បវរកញ្ញាកម្ពុជាយ៉ាងដូច្នោះ ព្រោះនេះគឺជាពាក្យពិត ដែលបវរកញ្ញាកម្ពុជារបស់យើងពិតជាមានសម្រស់ស្រស់ស្អាតពិតមែន ជាពិសេសដំណើរពិតជាទន់ភ្លន់ នៅពេលដើរម៉ូត៕
ប្រភពវីដេអូ៖MissUniverse Cambodia Fan pages
សូមទស្សនវីដេអូខាងក្រោមនេះ ដើម្បីជ្រាបកាន់តែច្បាស់៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]