ក្រៅពីអាជីពជាតារាកំប្លែង ស្រីអ៊ីត ក៏មានហាងឆេង ចេញសម្តែងរឿងភាគមិនចាញ់តារាផ្សេងដែរ

ភ្នំពេញ៖ មួយរយៈពេលចុងក្រោយនេះឃើញថា តារាកំប្លែងដ៏មានរូបសម្រស់ស្រស់ស្អាតអ្នកនាងអ៊ីត កាន់តែមានភាពមមាញឹកកាន់តែខ្លាំងនៅក្នុងវិស័យសិល្បៈ ក្រោមការចូលរួមសម្តែងរឿងកំប្លែងខ្លីៗ តាមរយៈកញ្ចក់ទូរទស្សន៍ជាច្រើន។

មិនត្រឹមតែប៉ុណ្ណោះ បន្ទាប់ពីដើរលើវិថីសិល្បៈនេះ ទទួលបានភាពជោគជ័យខ្លាំង នាងក៏សម្រេចចិត្តដឹកដៃកូនស្រីសំណព្វរបស់ខ្លួនឲ្យដើរតាមគន្លងខ្លួន ដែលបានឡើងច្រៀងនៅក្នុងកម្មវិធីតូចធំជាច្រើនទៀតផង លើសពីនេះកូនស្រីរបស់នាងក៏ត្រូវបានគេដឹងថា នាងមានសមត្ថភាពមិនអន់នោះដែរ។

ជាក់ស្តែងកាលពីពេលថ្មីៗនេះ តារារូបនេះក៏បានបញ្ចេញរូបភាពប៉ុន្មានសន្លឹក ជាមួយនឹងសកម្មភាព សម្តែងនៅក្នុងរឿងភាគខ្មែរមួយ ដែលនេះជាការងារថ្មីដែលនាងមាន ក្រៅពីអាជីពជាតារាកំប្លែង ជាមួយគ្នានេះដែរ ឃើញថានាងក៏បានបញ្ចេញសមត្ថភាពនៅក្នុងការសម្តែង ក៏មិនអន់នោះដែរ ទោះបីជា នាងជាអ្នកកំប្លែងយ៉ាងណាក្តី។

ក្រោយពីបានឃើញរូបភាពទាំងនេះ ឃើញថាតារារូបនេះពិតជាមានទេពកោសល្យពេញខ្លួនតែម្តង ដោយនាងមិនត្រឹមតែជាអ្នកពូកែសម្តីកំប្លែង តែនាងក៏មានសម្ថភាពនៅក្នុងការសម្តែងរឿងភាគមិនអន់ដែរ៕

សូមទស្សនារូបភាពខាងក្រោមនេះ៖ 

• អ៊ីត
• តារាខ្មែរ