ទូច ស្រីល័ក្ខ ខំដុតដៃដុតជើង រកជំនួយរហូតបានផ្ទះ ឲ្យម្ដាយនិងកូន ដែលជួបជីវិតកម្សត់ខ្លាំង

(ភ្នំពេញ)៖ អ្នកនាង ទូច ស្រីល័ក្ខ ត្រូវបានមហាជន ជាច្រើនបានហៅថា ជាតារាដៃមួយរយ មិនថាការងារ ផ្ទះ ការងារសិល្បៈ ឬ ការចូលរួមក្នុងកិច្ចការសង្គម នោះទេ សុទ្ធតែមានការគាំទ្រខ្លាំងមែនទែន លើអ្នកនាង។ 

ក្នុងនោះផងដែរ អ្នកនាង ទូច ស្រីល័ក្ខ តែងតែធ្វើការបង្ហោះនូវ សកម្មភាព ក្នុងការចុះជួយ ប្រជាពលរដ្ឋ ដែលជួបទុក្ខ លំបាក ឬការខ្វះខាត ផ្សេងៗ ជាច្រើនទៀត ។

ជាក់ស្ដែងកាលពីថ្មីៗនេះ បន្ទាប់ពីអ្នកនាង ទូច ស្រីល័ក្ខ បានប្រកាសរកជំនួយ ពីទស្សនិកជន ក៏ដូចជាសប្បុរសជន មិនថាទីជិត ឬ ឆ្ងាយទេ ដើម្បីជួយដល់ ម្ដាយនិងកូន ដែលកំពុងជួបទុក្ខលំបាក ដោយពុំមាន ផ្ទះ សម្បែងរស់នៅ សមរម្យ។

យ៉ាងណាមិញ ក្នុងការ ប្រឹងប្រែងនេះដែរ គឺមិនអស់កម្លាំងចិត្តនោះទេ ដោយអ្នកនាង ទូច ស្រីល័ក្ខ បានខំដុតដៃដុតរកជំនួយរហូតបាន ផ្ទះមួយឲ្យ ម្ដាយនិងកូន ដែលជួបការលំបាក បានរស់នៅសមរម្យ និងព្យាបាលជំងឺ ផងដែរ៕

• ទូច ស្រីល័ក្ខ
• វីដេអូ
• តារាខ្មែរ