ពិតជាកូនប្រុសដ៏ល្អ! ទោះរវល់យ៉ាងណាក៏ ឆន សុវណ្ណរាជ មិនភ្លេចជូនអ្នកម្តាយសំណព្វ ធ្វើរឿងមួយនេះដែរ

ភ្នំពេញ៖ មួយរយៈចុងក្រោយនេះ មហាជនសង្កេតឃើញថា កំពូលតារាចម្រៀងប្រុសប្រចាំផលិតកម្មរស្មីហង្សមាស លោក ឆន សុវណ្ណរាជ កាន់តែមានប្រជាប្រិយភាព កើនឡើងជាលំដាប់ ដូច្នេះហើយទើបធ្វើឲ្យតារាចម្រៀងរូបនេះ កាន់តែមានការងារសិល្បៈកាន់តែច្រើន ស្ទើរតែដកឃ្លាមិនរួចនោះទេ។

តួយ៉ាង ទន្ទឹមនឹងការងារដ៏មមាញឹក កាលពីម្សិលមិញនេះ លោក ឆន សុវណ្ណរាជ បានធ្វើរឿងមួយដ៏គួរឲ្យសរសើរ ជាមួយអ្នកម្តាយសំណព្វ ដោយរូបលោកបានឆ្លៀត ជូនម្តាយរបស់ខ្លួន ទៅធ្វើបុណ្យ បើទោះជារូបលោកកំពុងតែរវល់នឹងការងារខ្លាំងក៏ដោយ។

យ៉ាងណាមិញ ទាំងនេះផ្អែកលើគណនីហ្វេសប៊ុក របស់តារាចម្រៀងសម្បុរស្រអែមលោក ឆន សុវណ្ណរាជ បានបង្ហោះរូបជាច្រើនសន្លឹកដោយភ្ជាប់ជាមួយសារមួយឃ្លាថា៖ «ថ្ងៃនេះឆ្លៀតពេលជូនអ្នកម្តាយមកប្រគេនទានព្រះវស្សានៅវត្តភ្នំប្រសិទ្ធក្រោម ជូនបុណ្យផងណាបងប្អូនទាំងអស់គ្នា» ។

ទោះជាយ៉ាងណាក្តី បន្ទាប់ពីឃើញបែបនេះហើយ បានឲ្យដឹងថា លោក ឆន សុវណ្ណរាជ ពិតជាកូនប្រុសដ៏ល្អ និងគួរឲ្យសរសើរ ព្រោះថាបើទោះជាខ្លួនកំពុងតែមមាញឹកនឹងការងារស្ទើរដកឃ្លាមិនរូច ក៏រូបលោកនៅតែឆ្លៀតជូនអ្នកម្តាយសំណព្វ ទៅធ្វើបុណ្យដែរ៕

• ឆន សុវណ្ណរាជ
• តារាខ្មែរ