អស់ជម្រើស ករុណា ពេជ្រ សម្រេចប្រកាសលក់ផ្ទះវីឡាធំស្កឹមស្កៃ ដើម្បីយកប្រាក់ព្យាបាលឪពុកបន្ត

ភ្នំពេញ៖ ប្រិយមិត្តជាដឹងហើយថាមួយរយៈពេលមុននេះ ឃើញថាឪពុករបស់តារាចម្រៀងនៅក្នុងផលិតកម្មថោន បានធ្លាក់ខ្លួនឈឺចូលមន្ទីរពេទ្យ ធ្វើឲ្យកូនប្រុសលោកករុណា ពេជ្រ មានការព្រួយបារម្ហយ៉ាងខ្លាំង។

ខណៈពេលដែលឪពុកសម្រាកនៅមន្ទីរពេទ្យ ទាំងដែលលោកមិនទាន់ដឹងខ្លួន តារារូបនេះបានប្រឹងច្រៀងឲ្យឪពុកស្តាប់ស្របពេលដែលលោកមិនទាន់ដឹងខ្លួន មិនត្រឹមតែប៉ុណ្ណោះ លោកក៏បានធ្វើឲ្យអ្នកលេងបណ្តាញសង្គមក៏ដូចជាអ្នកគាំទ្រ ក្តុកក្តួលក្នុងចិត្តគ្រប់គ្នា។

ជាក់ស្តែង នៅក្នុងបណ្តាញសង្គមរបស់តារាចម្រៀងរូបនេះបានបង្ហោះរូបភាព និងសារមួយ ដោយលោកអស់ជម្រើស បានប្រកាសលក់ផ្ទះវីឡាដ៏ធំស្កឹមស្កៃ ដែលខ្លួន និងឪពុករស់នៅសព្វថ្ងៃ លក់យកប្រាក់ដើម្បីយកឪពុកទៅព្យាបាលបន្តទៀត។

នៅក្នុងនោះដែរ លោកបាននិយាយយ៉ាងដូច្នោះថា៖ «កូនមកដល់ផ្ទះវិញហើយ ប៉ា...!!! ផ្ទះធំពេក ហើយប៉ា ឈឺ ទៀត ... កូននឹងនាំប៉ា ទៅព្យាបាលបន្តនៅក្រៅប្រទេសឆាប់ៗនេះ...កុំឲ្យសៅហ្មង ខ្ញុំសូមប្រកាស លក់ផ្ទះវីឡាទោល ហើយកែងផ្លូវ ខាងមុខតែម្តង... ដែលមានទីតាំងនៅបុរីពិភពថ្មី សំរោងអណ្តែត3 ផ្ទះលេខ2( E0,E1,E2 ) ផ្លូវ A ... ទល់មុខសួនច្បារធំ2 មានទីធ្លាធំទូលាយ នៅមុខផ្ទះ.... ចំណាយពេលតែ 5នាទី ដល់ផ្សារ Makro និង ផ្សារទំនើប AEON II ទំហំដី : ទទឹងមុខ 18,40 m រីកទទឹងក្រោយ 19,40m និង បណ្តោយ 33,40 m »៕

• ករុណា ពេជ្រ
• តារាខ្មែរ