មិនណយទេ ពេជ្រ ថៃ អាចច្រៀងជាមួយនឹង កំពូលតារាជាច្រើន ពេលនេះ មកប៉ះជាមួយ ហ្សាណាម្តង (មានវីដេអូ)

សៀមរាប៖ សព្វថ្ងៃ ម្ចាស់ពានរង្វាន់ The Voice Kid Cambodia រដូវកាលទី១ ក៏ដូចជាតារាចម្រៀងកុងត្រា វ័យក្មេងប្រចាំផលិតកម្មរស្មីហង្សមាស កុមារា ពេជ្រ ថៃ កំពុងតែទទួលបានប្រជាប្រិយភាពយ៉ាងច្រើន ពីសំណាក់មហាជនទូទាំងប្រទេសជាមួយ នឹងទឹកដមសម្លេងដ៏ពិរោះ ហើយមិនត្រឹមតែប៉ុណ្ណោះ គឺអមជាមួយកាយវិការក្រមិចក្រមើមរបស់គេ។

យ៉ាងណាមិញ បើទោះជា ពេជ្រ ថៃ មានវ័យនៅក្មេងនិងជាតារាចម្រៀងពន្លកថ្មីក៏ពិតមែន ប៉ុន្តែគេតែងតែសង្កេតឃើញថា ប្អូនតែងមានឱកាសបានច្រៀងចម្រៀងរូមគ្នាជាមួយ តារាចម្រៀងស្រីល្បីៗនៅលើឆាក មិនតិចនាក់នោះទេ។

ក្នុងនោះដែរ នាពេលថ្មីៗនេះ ពេជ្រ ថៃ​​ បានដឹកដៃកញ្ញា រ៉េត ស៊ូហ្សាណា ឡើងឆាកច្រៀងរួមគ្នា ជាច្រើនបទ ដែលធ្វើឲ្យឆាកតន្ត្រីកាន់តែសប្បាយ ជាមួយនឹងការសម្តែងរបស់ពួកគេ ពោរពេញទៅដោយសម្តីបែបកំប្លុកកំប្លែង។

គួរបញ្ជាក់ផងដែរថា ពេជ្រ ថៃ បានឡើងច្រៀងជាមួយនឹង​តារាធំៗជាច្រើន នៅក្នុងផលិតកម្មហង្សមាស ដូចជា លោក ព្រាប​ សុវត្ថិ កញ្ញា សុគន្ធ​ កញ្ញា អ្នកនាង ពេជ្រ​ សោភា និង អ្នកនាង សុគន្ធ និសា ជាដើម។ ហើយវា ជារឿងមួយដ៏ចាប់អារម្មណ៍ ដែលក្មេងតូចរូបនេះ មានសមត្ថភាព និងមានក្លាហាន ក្នុងបង្ហើរសំនៀង ជាមួយ កំពូលតារាយ៉ាងដូច្នេះ៕ 

តើប្រិយមិត្តអ្នកអានយល់យ៉ាងណាដែរ?

កុំឲ្យខាតពេលយូរ តោះទៅទស្សនាវីដេអូខាងក្រោមទាំងអស់គ្នា៖ 

• រ៉េត ស៊ូហ្សាណា
• ពេជ្រ ថៃ
• វីដេអូ
• តារាខ្មែរ