ចាន់ កែវនិមល ធ្វើខួបអាពាហ៍ពិពាហ៍ដ៏សាមញ្ញ តែពោរពេញដោយស្នាមញញឹម

ភ្នំពេញ៖ ពិធីការិនីដ៏ល្បីឈ្មោះបោះសម្លេងអ្នកនាង ចាន់ កែវនិមល បានឈរនៅក្នុងអាជីពនេះជាយូរមកហើយ បច្ចុប្បន្ន កេរ្តិ៍ឈ្មោះរបស់អ្នកនាង ក៏នៅតែល្បី ដោយក្តោបបានការងារធំៗជាច្រើន។

យ៉ាងណាមិញ ទោះបីជាបច្ចុប្បន្ននេះ អ្នកនាងមានភាពមមាញឹកខ្លាំងនៅក្នុងវិស័យសិល្បៈនេះក្តី តែនាង និងគ្រួសារតែងផ្តល់សុភមង្គលឲ្យគ្នាជានិច្ច។

ជាក់ស្តែង មកទល់នឹងពេលនេះ អ្នកនាងបានរៀបការនឹងស្វាមី ជាមួយនឹងចំណងដៃកូនស្រីមួយ ដែលពោរពេញដោយសុភមង្គលបានរយៈពេល៨ឆ្នាំ ហើយកាលពីយប់មិញនេះ អ្នកនាងបានប្រារព្ធពិធីខួបអាពាហ៍ពិពាហ៍ដ៏សាមញ្ញមួយជាមួយនឹងក្រុមគ្រួសាររបស់នាង។

ដែលនៅក្នុងនោះរូបភាពជាច្រើនសន្លឹកដែលពោរពេញដោយស្នាមញញឹមបានបង្ហោះនៅក្នុងបណ្តាញសង្គម ជាមួយនឹងសាមួយថា៖ «ខួបអាពាពិពាហ៍ដ៏សាមញ្ញ តែពោរពេញដោយក្តីសុខ អរគុណលោកប្តីដែលចាប់ដៃអូនដើររហូតមកដល់ថ្ងៃនេះ អរគុណដែលតែងតែផ្តល់សិទ្ធឲ្យអូនធ្វើការងារតូចធំ អរគុណដែលតែងតែលះបង់គ្រប់បែបយ៉ាងដើម្បីអូន អរគុណដែលព្រមចាញ់ ព្រមសម្រប ព្រមតាម ព្រោះតវ៉ាក៏គ្មានប្រសិទ្ធភាព»។

តាមរយៈសារមួយនេះធ្វើឲ្យមនុស្សជាច្រើនលួចច្រណែន ជាមួយនឹងសុភមង្គលរបស់តារារូបនេះជាមួយនឹងគ្រួសារ ដែលមានភាពផ្អែមល្ហែមបែបនេះ៕ 

• កែវ ចាន់និមល
• រូបភាព
• តារាខ្មែរ