ប៉ា នី មុនីនាថ បង្ហោះលុយទាំងដុំ ខណៈពេលកូនស្រី និងអតីតគូដណ្តឹងប្តឹង និងតឹងសរសៃ.កដាក់គ្នា

ភ្នំពេញ៖ មួយរយៈពេលនេះ រឿងតារាសម្តែងស្រីល្បីឈ្មោះកញ្ញា នី មុនីនាថ និងលោក អ៊ឹង សូឡាង អតីតគូដណ្តឹង កំពុងតែក្តៅគគុក ដោយសារតែមានការប្តឹងគ្នាដល់តុលាការពីបទឆបោក និងរំលោភលើ សេចក្តីទុកចិត្ត ដោយទាមទារសងជំងឺចិត្តនូវទឹកប្រាក់ជាច្រើនម៉ឺនដុល្លារ។

ជាការពិតណាស់ រឿងមួយនេះមិនបានធ្វើឲ្យតារាស្រីរូបស្រស់ នី មុនីនាថ មានការព្រួយបារម្ហបន្តិចសោះឡើយ មិនត្រឹមតែប៉ុណ្ណោះ កញ្ញា មិនទាន់បានបង្ហាញមុខនៅតុលាការដែលគេបានកោះហៅនោះទេ។

ទន្ទឹមនឹងនេះ នៅក្នុងគណនីហ្វេសប៊ុកប៉ារបស់នាង បានបង្ហោះលុយដុល្លារសុទ្ធជាច្រើនដុំ ខណៈពេលដែលកូនស្រីរបស់ខ្លួន កំពុងតែមានជម្លោះរវាងអតីតគូដណ្តឹងយ៉ាងដូច្នោះ។

ចំពោះការបង្ហោះលុយនេះដែរ ក៏មានមនុស្សជាច្រើន កំពុងតែសង្ស័យថា តើរូបលោក បង្ហោះក្នុងគោលបំណងអ្វី ឲ្យពិតប្រាកដ។

យ៉ាងណាមិញ រឿងរបស់តារាស្រីរូបនេះ កំពុងតែធ្វើឲ្យមហាជនជាច្រើនចាំតាមដាន ថានៅថ្ងៃខាងមុខទៅទៀតវានឹងទៅជាយ៉ាងណា ព្រោះនាងនៅតែមិនសូវខ្វល់ខ្វាយ ឬកោតខ្លាច ក្នុងការប្តឹងទារប្រាក់នោះឡើយ៕ 

• នី មុនីនាថ