ភ្នំពេញ៖ តារាចម្រៀងស្រី សម្លេងពិរោះស្រទន់ រួមជាមួយទឹកមុខគួរឲ្យស្រលាញ់ វីរៈ និច ហាក់មានសន្ទុះប្រជាប្រិយភាពផ្ទុះឡើងខ្លាំង ខណៈពេលចេញបទចម្រៀងមួយៗ នាងតែងតែទទួលបានការគាំទ្រមិនតិចឡើយ ពីសំណាក់ហ្វេនៗរបស់នាង។
ទោះបីការប្រឡូកចូលវិស័យសិល្បៈចម្រៀងមិនទាន់បានយូរប៉ុន្មានមែន ប៉ុន្តែតារាចម្រៀងក្មេងខ្ចីម្នាក់នេះ បានទាញយកភាពលេចធ្លោ និងល្បីល្បាញខ្លាំង ដោយនាងតែងតែទទួលបានការអញ្ជើញឲ្យចេញ ទៅច្រៀងតាមបណ្តាខេត្តផ្សេងៗជារឿយៗ។
ក្នុងនោះ គេក៏តាមសង្កេតឃើញដែរថា វីរៈ និច តែងតែមានម្តាយនៅក្បែរ និងទៅតាមមើលថែនាង ស្ទើរគ្រប់ពេល ដែលនាងចុះទៅច្រៀងនៅតាមខនសឺតម្តងៗ។ ម៉្យាងវិញទៀត សូម្បីតែបងស្រីបង្កើតរបស់ វីរៈ និច ក៏បានបង្ហាញអារម្មណ៍ អាណិតអ្នកម្តាយរបស់ខ្លួនដែលមិនត្អូញ ដែលត្រូវកំដរ និងតាមមើលថែប្អូនស្រីគ្រប់ពេលវេលាបែបនេះ។
នេះជាទឹកចិត្តអ្នកម្តាយ ដែលមិនខ្លាចហត់នឿយ ឲ្យតែបាន មើលថែ កូនជាទីស្រលាញ់ ទោះដល់ទីណាក៏ដោយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
