អបអរសាទរ វីរៈ និច្ច កំពុងពរពោះកូនប្រុស

មណ្ឌលគីរី៖ ពិតណាស់ ប្រិយមិត្តបានដឹងរួចមកហើយថា តារាចម្រៀងវ័យក្មេងអ្នកនាង វីរៈ និច្ច បានរៀបអាពាហ៍ពិពាហ៍កាលពីចុងឆ្នាំ២០២១។ ហើយក្រោយរៀបការ នាងនិងស្វាមី ហាក់កាន់តែយល់ចិត្តគ្នា បើទោះបីទើបតែទាក់ទងគ្នា។ 

លើសពីនេះទៅទៀត អ្នកនាង វីរៈ និច្ច ពិតជាសំណាងរឿងជីវិតគូ ខណៈដែលមានស្វាមីពូកែថ្នាក់ថ្នម យកចិត្តទុកដាក់លើនាងគ្រប់យ៉ាង។ ក្នុងនោះដែរ ថ្មីៗនេះគេដឹងថាតារារូបនេះបានពរពោះកូនភ្លោះ ប៉ុន្តែគួរឲ្យសោកស្ដាយបំផុត ដែលនាងបាត់បង់កូនទាំងពីរទៅវិញ។ 

ជាក់ស្ដែង បន្ទាប់ពីជួបរឿងខកបំណង ដែលបាត់បង់កូនភ្លោះប៉ុន្មានខែមកនេះ អ្នកនាង វីរៈ និច្ច បានបង្ហាញដំណឹងល្អគួរឲ្យរំភើបជាថ្មីម្ដងទៀត។ ដោយពេលនេះនាងកំពុងពរពោះកូនប្រុស ហើយពេលនេះនាងនិងស្វាមីបានបញ្ចេញស្នាមញញឹមយ៉ាងរីករាយ មើលទៅមានក្ដីសុខតែម្ដង។ ក្នុងនោះដែរ បន្ទាប់ពីមហាជន និងហ្វេនៗបានដឹងដំណឹងនេះ ពួកគេបានជូនពរ និងជួយត្រេកអរគ្រប់ៗគ្នា៕ 

សូមទស្សនារូបភាពខាងក្រោម៖