(ភ្នំពេញ)៖ តារាសម្ដែង និងជាតារាបង្ហាញម៉ូដ កញ្ញា ស៊ីន យូប៊ីន កំពុងតែធ្វើឲ្យមហាជន មានការចាប់អារម្មណ៍ខ្លាំង ខណៈ កាលពីម្សិលមិញនេះ នាងបានបង្ហោះរូបចំនួន ៤សន្លឹក នៅលើបណ្ដាញហ្វេសប៊ុក ដោយបានចូលរួមក្នុងកម្មវិធីបែបបរទេសមួយ ដែលភាសាអង់គ្លេសហៅថា Halloween កំពុងទាក់ទាញការចាប់អារម្មណ៍ខ្លាំង ពីមហាជននៅក្នុងបណ្ដាញហ្វេសប៊ុក។ ដោយសារតែរូបសម្រស់ នៃការផាត់មុខបែបសិចស៊ី អមដោយបបូរមាត់មានភាពទាក់ទាញ និង ការបញ្ចេញដងខ្លួនដ៏ស្រឡូនរបស់នាង ត្រូវបានមហាជនលាន់មាត់ សរសើរមិនដាច់ពីមាត់ថា តារាសម្ដែងរូបនេះ ពិតជាស្រស់ស្អាតខ្លាំង។
ជាមួយនឹងឈុតពណ៌ខ្មៅវាលខ្នង បានរំលេចនូវសម្រស់ដ៏ស្រស់ស្អាត ទឹកមុខមានមន្តស្នេហ៍ និងកែវភ្នែកមុតថ្លារបស់ស្រីស្រស់ប្រសប់ភាពក្រមិចក្រមើម ស៊ិន យូប៊ីន ដែលធ្វើឲ្យបុរសៗ ចោមរោមលង់ស្នេហ៍លើរូបនាងមិនតិចនាក់នោះទេ។
យ៉ាងណាមិញ គេតែងតែសង្កេតឃើញថា ស្រីស្អាត ស៊ីន យូប៊ីន និយមតុបតែងខ្លួនបែបសុភាពៗក្នុងសំលៀកបំពាក់ឈុតប្រពៃណី ប៉ុន្តែពេលតុបតែងខ្លួនបែបសិចស៊ី លេងទឹកមុខកាចឆ្នាស់បែបនេះ ធ្វើឲ្យអ្នកគាំទ្ររូបនាង មានការចម្លែកអារម្មណ៍ ព្រោះកម្មវិធី Halloween ជាការតុបតែងមុខបែបអាក្រក់ៗ ផ្ទុយទៅវិញ ស្រីស្អាត ស៊ីន យូប៊ីន បែរជាស្រស់ស្អាតលើសពីធម្មតាទៅវិញ៕
ប្រភព៖ Khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
