ភ្នំពេញ៖ លោក ខេម បច្ចុប្បន្ននេះគឺជាតារាចម្រៀងមួយដួងដ៏ល្បីល្បាញ ប្រចាំនៅក្នុងផលិតកម្មថោន ដោយមានអ្នកគាំទ្រយ៉ាងច្រើនសន្ធឹកសន្ធាប់។
នៅក្នុងនោះដែរ គេសង្កេតឃើញថាលោកខេម គឺជាតារាចម្រៀងប្រុសម្នាក់ ដែលនិយមច្រៀងតែបទមនោសញ្ចេតនា កម្សត់ៗ ស្រក់ទឹកភ្នែក និយាយអំពីជីវិតព្រាត់ប្រាស គ្មានសេចក្តីសុខ ឬត្រូវឃ្លាតឆ្ងាយចេញពីស្រុកកំណើត។
ជាពិសេស បើបទស្នេហាវិញគឺ លោកខេម ក៏តែងតែនិយមបកស្រាយនូវបទចម្រៀងស្នេហាបែបកម្សត់ៗ មិនសមបំណង ស្រលាញ់គេ តែគេមិនស្រលាញ់វិញផងដែរ។
ជាក់ស្តែង បទចម្រៀងស្នេហាកម្សត់ៗដែលត្រូវខាងស្រីបដិសេធស្នេហ៍របស់លោកខេម រួមមានដូចជាបទ ជាតិនេះកើតមកសម្រាប់តែគេបោះបង់ សារភាពស្នេហ៍តែអូនមិនស្រលាញ់ លាហើយស្នេហ៍ក្បត់ ខ្ញុំខ្លាចហើយលុយ នំខេកល្វីង កុំយំអាណិតបង កុំទាន់ស្រលាញ់គេឱ្យច្រើនជាងបង លាស្នេហ៍អ្នកមាន បេះដូងបងមិនអាចគ្មានអូន ពូម៉ូតូឌុប តាំងពីស្គាល់គេអូនប្លែកខ្លាំងណាស់ បេះដូងអើយ ភ្នែកអើយភ្នែក-ល-។
ចំណែកឯបទនិយាយពីជីវិតវិញ ក៏គ្មានបទណាសប្បាយៗដែរ គឺមានតែរឿងជីវិតក្រីក្រ កើតទុក្ខ ត្រូវចាកចេញ ពីស្រុកទៅធ្វើពលករគេ ត្រូវភរិយាក្បត់ចិត្ត ជាក្មេងពាល ជាដើម។
ដោយនៅរួមមានជាច្រើនដូចជាបទ ជីវិតក្មេងពាល យោធាពិការ ប្តីអ្នកក្រ ជីវិតអ្នកក្រ ឈាមលោកឪពុក លើលោកនេះអ្នកណាចង់ក្រ ជីវិតអ្នកប្រដាល់ គ្រោះថ្នាក់ចរាចរណ៍ បេះដូងពលករ និងបទចម្រៀងកម្សត់ៗជាច្រើនបទទៀត។
សរុបមកគឺឱ្យតែបទណាកម្សត់ រៀបរាប់ពីរឿងជីវិតវេទនា គឺត្រូវធ្លាក់មកលើលោកខេម ជាអ្នកបកស្រាយស្ទើរតែទាំងអស់ ដោយសារវាត្រូវនឹងសម្លេងស្អកៗរបស់លោកផងដែរ៕
ចុះប្រិយមិត្តវិញយល់ដូច្នេះទេ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]