នឹកអតីតកាលកម្សត់ ខេម ប្រកាសរកក្រុម Boy Band របស់ខ្លួនកាលពីឆ្នាំ២០០៧

កម្សាន្ត៖ ថ្មីៗនេះ តារាចម្រៀង លោក ខេម ដែលជាអតីតសមាជិកមួយរូបក្នុងក្រុម Boy Band ក៏បានបង្ហោះសារនឹករឭកដល់មិត្តរួមក្រុម ព្រមទាំងប្រកាសចង់ជួបជុំគ្នាវិញថែមទៀតផង។ ត្រឡប់ទៅអតីតកាលពីអំឡុងឆ្នាំ ២០០៧ គឺការចាប់ផ្ដើមដើរចូលវិថីសិល្បៈរបស់ លោក ខេម ដែលខ្លួនបានចូលប្រកួតចម្រៀងនៅក្នុងកម្មវិធីមួយរបស់ទូរទស្សន៍ CTN ។

ជាមួយគ្នានោះដែរ តារាចម្រៀងរូបនេះ បានជាប់ចូលទៅក្នុង ក្រុមចម្រៀង Boy Band ដែលជាការដឹកនាំដោយលោក គួច ខេវិន។ យ៉ាងណា មកដល់ពេលនេះ ក្រុមចម្រៀងខាងលើ ក៏បានរំសាយអស់ជាច្រើនឆ្នាំ រីឯសមាជិកក្នុងក្រុមក៏មានខ្លះបន្តអាជីពលើវិថីសិល្បៈ និង ខ្លះទៀតបានបាត់មុខផងដែរ។

ដោយសេចក្ដីនឹករលឹក លោក ខេម ក៏បានប្រកាសនៅក្នុងបណ្ដាញសង្គមស្វែងរកមិត្តៗដែលធ្លាប់ជាក្រុម Boy Band ដែលលោកនឹងបង្កើតជាការជួបជុំមួយនៅភ្នំពេញនេះ៕

ប្រភព៖ Khem ខេម