មួយឃ្លារបស់ គឹម សីហា ចាក់ដោតបេះដូងមនុស្សស្រីមិនតិចនោះទេ ចុះទម្រាំភរិយា?

ភ្នំពេញ៖ លោកគឹម សីហា និងអ្នកនាង គង់ ចាន់ស្រីមុំ បានចាប់ដៃគ្នាដើរលើផ្លូវជីវិតគូ អស់រយៈពេលជិត២ឆ្នាំទៅហើយ បើគិតមកដល់សព្វថ្ងៃ។

ពួកគេទាំងពីរសុទ្ធតែបានស្វែងយល់ពីគ្នាយ៉ាងច្បាស់លាស់ ទើបហ៊ានសម្រេចចិត្តបញ្ចប់ជីវិតនៅលីវ ហើយព្រមទទួលយកគ្នាជាគូស្វាមីដោយស្របច្បាប់ និងធ្វើតាមទំនៀមទម្លាប់ប្រពៃណីយ៉ាងអធិកអធម។

ជារឿយៗគេតែងឃើញប្ដីប្រពន្ធតារាមួយគូនេះ បង្ហាញរូបភាពផ្អែមល្ហែម នៅលើបណ្ដាញសង្គម ដែលឆ្លុះបញ្ចាំងពីការយកចិត្តទុកដាក់រវាងគ្នា ជាហេតុធ្វើឲ្យគ្រាំទ្រ មានកោតសរសើរពីទំនាក់ទំនងស្នេហារបស់អ្នកទាំងពីរ ។

លើសពីនេះបើប្រិយមិត្តបានអានសារ របស់ស្វាមីគំរូ គឹម សីហា ប្រហែលជាអាចរំភើបជួសភរិយាក៏ថាបាន ព្រោះមួយឃ្លានោះ ពិតជាចាក់ដោតបេះដូងមនុស្សស្រីជាខ្លាំង ដោយរូបលោកបានសរសេរថា៖ «ធ្វើបុណ្យសាងកុសលជាមួយគ្នាអោយបានច្រើន ហើយក៏សូមជាតិណាៗ អោយបងបានជួបអូនជាប្រពន្ធល្អបែបនេះរហូត Kong chansreymom#បណ្ឌិទី១០ #15-09-17»  ។ 

អត្ថន័យសារ អមជាមួយរូបភាពដែលខ្លួន និងភរិយាបានទៅធ្វើបុណ្យរួមគ្នានេះ មើលទៅពួកគេពិតជាមានសុភមង្គលខ្លាំងពិតមែន។

គ្រាន់តែបានអានសារនេះរួច អ្នកគាំទ្រពិតជាក្ដុកក្ដួល ចុះទម្រាំភរិយារូបស្រស់ គង់ ចាន់ស្រីមុំ វិញ មិនដឹងជាសប្បាយចិត្តខ្លាំងយ៉ាងណានោះទេ ព្រោះខ្លួនមានសំណាងបានស្វាមីល្អបែបនេះនៅក្បែរ និងមើលថែរាល់ថ្ងៃ៕ 

• គង់ ចាន់ស្រីមុំ
• គឹម សីហា