ភ្នំពេញ៖ តារាចម្រៀងស្រីល្បីលំដាប់ជួរមុខអ្នកនាង ពេជ្រ សោភា កំពុងតែទាមទារប្រជាប្រិយភាពខ្លាំងឡើងពីមួយថ្ងៃទៅមួយថ្ងៃ ដោយសារការផលិតបទថ្មី ជាមួយស្ទីលតុបតែងខ្លួនបែបយុវវ័យ អមនឹងក្បាច់រាំប្លែកៗរបស់អ្នកនាង។
ទន្ទឹមនឹងនេះ រូបសម្រស់របស់ម្ចាស់បទ«ផឹកលួងខ្លួនឯង» ក៏កាន់តែស្រស់ស្អាតឡើងទាំងដែលអ្នកនាងមានវ័យរាងជ្រេបន្តិចទៅហើយក្ដី។
ប៉ុន្តែអ្វីដែលគ្រប់គ្នា មានការព្រួយបារម្ភនោះ ចំពោះសុខភាព គូស្នេហ៍លោក សក្កដា រូបនេះកំពុងតែមានបញ្ហាស្របពេលរដូវកាលភ្ជុំបិណ្ឌមកដល់ ព្រោះ ភ្នែកខាងស្ដាំរបស់ អ្នកនាង មានជំងឺដុះដុំគីសក្នុងភ្នែក ចង់មិនចង់ ពេជ្រ សោភា ត្រូវទទួលយកការវះកាត់ភ្លាមៗតែម្ដង។
នេះបើតាម រូបភាពអ្នកនាង ពេជ្រ សោភា បានបង្ហោះក្នុងបណ្ដាញសង្គម(IG) ជាមួយពាក្យត្អួញត្អែរ ខណៈដែលខ្លួនទើបវៈកាត់បានជោគជ័យ។
វាជារឿងគួរឲ្យសោកស្ដាយណាស់សម្រាប់អ្នកគាំទ្រ បន្ទាប់ពី បានលេចឮដំណឹងមួយនេះ ក្នុងនោះក៏មានហ្វេនជាច្រើននាក់ ចូលរួមលើកទឹកចិត្ត ថែមទាំងបានជូនពរឲ្យម្ចាស់បទ«អូនតឿអូនCute» រូបនេះឆាប់ជាទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
