ខេត្តកំពង់ស្ពឺ ៖ ក្មេងប្រុសម្នាក់ ត្រូវអុសធ្លាក់ចំក្បាល ហូរឈាមស្រោចខ្លួនកាលពីថ្ងៃ១៨ ខែកុម្ភៈ ឆ្នាំ២០១៧ តែជីដូនជីតាគ្មានប្រាក់ ដើម្បីយកចៅទៅព្យាបាលនៅមន្ទីរពេទ្យឡើយ ។
ប្រភពពីអ្នកភូមិជ័យមានល័ក្ខ ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ ដែលជាអ្នកភូមិផងរបងជាមួយបានប្រាប់ឲ្យដឹងថា ឪពុកម្តាយរបស់គេលែងលះគ្នាជាច្រើនឆ្នាំមកហើយ និងមិនដែលមកមើលកូននោះទេ ដោយបានទុកក្មេងប្រុសរូបនេះបានរស់នៅជាមួយជីតាដែលមានជីវភាពខ្វះខាត រកព្រឹកខ្វះល្ងាច ចិញ្ចឹមបីបាច់ចៅទាំងលំបាកវេទនា ដោយប្រកបរបរជាអ្នកកាប់អុសលក់ ដើម្បីបានប្រាក់កម្រៃចិញ្ចឹមចៅ ។
ប្រភពបន្តថា មុនពេលកើតហេតុ ជីតាបានទុកចៅនៅផ្ទះ ហើយទៅកាប់អុសរហូតដល់ល្ងាចទើបត្រឡប់មកវិញ ដោយអស់កម្លាំងគាត់មិនបានទម្លាក់អុសពីរទេះនោះទេ លុះព្រឹកឡើងក្មេងប្រុសរងគ្រោះបានរត់លេងនៅជិតរទេះ ចៃដន្យរត់ទៅប៉ះរទេះ ស្រាប់តែអុសធ្លាក់មកចំក្បាលបណ្តាលឲ្យបែកក្បាលហូរឈាមជោកខ្លួនរងរបួសធ្ងន់តែម្តង ។
ក្រោយពេលកើតហេតុ ជីតាបានយកទៅពេទ្យឃុំដែរ តែគ្រូពេទ្យនៅតំបន់នោះប្រាប់ថា ក្មេងប្រុសរងគ្រោះបាក់ឆ្អឹង ចិញ្ចើម ឬផុងលលាដ៍ក្បាលក៏មិនដឹង ពេទ្យនៅតំបន់នោះមិនហ៊ានព្យាបាលទេ ដោយប្រាប់ថា ត្រូវបញ្ជូនទៅពេទ្យខេត្ត ដើម្បីធ្វើការសង្គ្រោះ ។ ដោយមានការអាណិតអាសូរខ្លាំង អ្នកជិតខាងបានរៃលុយគ្នាដើម្បីឲ្យជីតាយកចៅទៅកាន់ពេទ្យខេត្ត ។ រហូតមកដល់ព្រឹក ថ្ងៃទី២០ ខែកុម្ភៈ ឆ្នាំ២០១៧នេះ អាការៈក្មេងប្រុសរងគ្រោះ យ៉ាងម៉េចក៏អ្នកភូមិ មិនទាន់ដឹងនៅឡើយដែរ ។
អ្នកភូមិបានសំដែង នូវទឹកចិត្តអាណិតក្មេងម្នាក់នេះ ជាពន់ពេកណាស់ ដោយអ្នកខ្លះលើកឡើងថា ឪពុកម្ដាយបានលែងលះគ្នា ជាយូរមកហើយ រាល់ថ្ងៃរស់នៅជាមួយយាយតាដែលពួកគាត់ កំពុងមានជីវភាពខ្វះខាត បែរជាជួបគ្រោះអកុសលបែបនេះទៀត ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
អីយ៉ា! លោកស្រី អេជេលលីណា ជូលី ពេលគ្រងឈុតប្រពៃណីខ្មែរបែបនេះ ពិតជាស្រស់ស្អាតខ្លាំងណាស់!
សៀមរាប៖ ដូចជាប្រិយមិត្តបានជ្រាបរួចមកហើយ ពីតារាសម្តែងស្រី និងអ្នកដឹកនាំរឿង លោកស្រី អេជេលលីណា ជូលី បានបង្ហាញវត្តមាននៅលើទឹកដីអង្គរ កាលពីថ្មីៗនេះ ដើម្បីមកបើកសម្ពោធ ចាក់បញ្ចាំងខ្សែភាពយន្ត «មុនដំបូងខ្មែរក្រហម សម្លាប់ប៉ារបស់ខ្ញុំ» ដែលលោកស្រី ជាអ្នកដឹកនាំផលិតដោយផ្ទាល់។
អ្វីដែលកាន់តែពិសេសជាងនេះ គឺកាលពីម្សិលមិញ លោកស្រី អេជេលលីណា ជូលី បានបង្ហោះនូវរូបថតប៉ុន្មានសន្លឹក ដែលលោកស្រី បានគ្រងនូវឈុតសម្លៀកបំពាក់ប្រពៃណីខ្មែរយើង ជាមួយនឹងកូនៗ និងក្មេងៗតូចជាច្រើននាក់ទៀត។
រូបថតទាំងនោះ បានធ្វើឲ្យអ្នកគាំទ្រ មានការភ្ញាក់ផ្អើល ពេលឃើញលោកស្រី គ្រងនូវឈុតបែបនេះ ដែលពិតជាស្រស់ស្អាត ប្លែកភ្នែកមែនទែន ហើយមិនតែប៉ុណ្ណោះ ក៏មានអ្នកចុច Like និង Shareយ៉ាងច្រើនសន្ធឹកសន្ធាប់ នៅក្នុងបណ្តាញសង្គមហ្វេសប៊ុកផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
