រាជធានីភ្នំពេញ ៖ អ្នកនាងពេជ្រ ចរណៃតារាសម្តែងធ្លាប់ល្បីឈ្មោះដែលបាត់មុខពីទស្សនិកជនជាយូរមកហើយនោះសម្រេចចិត្តវិលចូលពិភពសិល្បៈវិញ ។ រំពឹងថាអាចស្រូបបានការគាំទ្រទើបអ្នកនាងចរណៃវិលវិញនេះ ។
អ្នកនាងពេជ្រ ចរណៃ ជាតារាសម្តែងមានទេពកោសល្យធ្លាប់ទទួលបានការសរសើរពីបណ្តាផលិតករមួយចំនួន ។ តារាមានសម្រស់គួរឲ្យគយគន់ អ្នកនាងពេជ្រ ចរណៃ ចូលចិត្តសម្តែងជាតួឆ្នាសឆ្នើម តែតួស្លូតបង្ហូរទឹកភ្នែកក៏នាងអាចសម្តែងបានដែរ ។ ស្រីស្អាតរូបនេះធ្លាប់សម្តែងក្នុងរឿង«ស្រមោលស្នេហ៍អតីត»រឿង «ព្រាយចិញ្ចឹមកូន» រឿង «កូនឥតខាន់ស្លា»និងរឿង«ចៅស្រទបចេក» ។
អ្នកនាងពេជ្រ ចរណៃ និយាយដោយសម្តីសុភាពថានាងបាត់មុខរយៈពេលជិត២ឆ្នាំព្រោះតែងាកទៅរកស៊ីមុខជំនួញជាមួយឪពុកម្តាយដែលត្រូវការអ្នកមើល ។ ដូច្នេះហើយនាងត្រូវចូលរួមជាមួយឪពុកម្តាយឲ្យមុខរបរល្អនឹងធឹងសិន ។ របររកស៊ីរបស់នាងដើរទៅមុខយ៉ាងរលូនហើយនាពេលបច្ចុប្បន្ន ដូច្នេះហើយជាឱកាសដែលនាងអាចសម្រេចចិត្តវិលចូលពិភពសិល្បៈវិញ ស្របតាមចំណូលចិត្តរបស់នាងតាំងតែពីដើមមក ។
តារាសម្តែងពេជ្រ ចរណៃ និយាយថា «ការវិលវិញនេះនាងខ្ញុំត្រូវតែពង្រីកស្នាដៃឲ្យបានច្រើនមិនថាតែការសម្តែង ការដើរបង្ហាញម៉ូដ ឬពិធីការិនីទេគឺនាងខ្ញុំចង់ក្រសោបយកឲ្យបានច្រើនសមតាមអ្វីដែលនាងខ្ញុំចង់បាន ។
ក្រោយពេលបង្ហាញវត្តមានឡើងវិញនាងខ្ញុំរំពឹងថា ទស្សនិកជននឹងជួយគាំទ្រស្នាដៃរបស់នាងខ្ញុំ និងបណ្តាផលិតកម្មទាំងអស់ផ្តល់ការងារជូននាងខ្ញុំ ព្រមទាំងបណ្តាស្ថានីយទូរទស្សន៍នានាផងដែរ ដើម្បីនាងខ្ញុំបានបង្ហាញទេពកោសល្យសម្តែងទុកស្នាដៃទាំងអស់នេះមើលក្នុងពេលវ័យកាន់តែជ្រេនាថ្ងៃអនាគត» ៕
ប្រភព៖ កោះសន្តិភាព
ដោយឡែករំលឹកព័ត៌មានមួយផ្សេងទៀត៖ អតីតតារាសម្តែងសិចស៊ី កែវ សុរិយា រងហិង្សាពីសំណាក់ស្វាមី របួសស្ទើរសុះសាច់ !
(ភ្នំពេញ)៖ អតីតតារាសម្តែងសិចស៊ី ធ្លាប់មានឈ្មោះល្បី នៅលើវិថីសិល្បៈ អ្នកនាង កែវ សុរិយា ថ្មីៗនេះ ត្រូវបានប្រភពទម្លាយ ផ្អើលពេញបណ្តាញសង្គមហ្វេសប៊ុក ពាក់ព័ន្ធនឹងការរង នូវអំពើរហឹង្សា ដោយសារតែស្វាមីវាយដំ ធ្វើបាបយ៉ាងដំណំ រហូតដាច់សាច់សុដន់មួយដុំ និងរបួសស្ទើរសុះសាច់ ទៀតផង។
ផ្អែកតាមប្រភពមួយចំនួន នៅលើបណ្តាញសង្គមហ្វេសប៊ុក បានលើកឡើងថា អតីតតារាសម្តែងសិចស៊ី អ្នកនាង កែវ សុរិយា មានវាសនាមិនខុសពីតារាស្រី អ្នកនាង យ៉ាន លីនដា នោះទេ ព្រោះថាថ្មីៗនេះ នាងបានទម្លាយនូវភាពឈឺចាប់ ស្ទើររកអ្វីមកប្រៀបផ្ទឹមគ្មាន ដោយសារតែស្វាមីបានប្រើហិង្សា ធ្វើទារុណកម្ម វាយដំលើរាងកាយ សឹងតែសុះសាច់អស់ទៅហើយ។
ប្រភពដដែលនេះ បាននិយាយទៀតថា អំឡុងមួយរយៈពេលចុងក្រោយនេះ នាងត្រូវបានស្វាមីបង្ខាំង ក្នុងនៅតែក្នុងបន្ទប់ និងបានប្រើហិង្សាលើនាង ជាបន្តបន្ទាប់ ខណៈមុននេះបន្តិចសាមីខ្លួន គឺអ្នកនាង កែវ សុរិយា ក៏បានសរសេរបង្ហោះ នៅលើបណ្តាញសង្គមហ្វេសប៊ុក រៀបរាប់ពីទុក្ខលំបាក និងការឈឺចាប់របស់ខ្លួនផងដែរ។
យ៉ាងណាមិញ ទាក់ទងរឿងនេះដែរ គេហទំព័រ Khmertalking នារសៀលថ្ងៃទី១០ ខែកុម្ភៈ ឆ្នាំ២០១៧ នេះ នៅមិនទាន់ស្វែងរកការបំភ្លឺបន្ថែម ពីអ្នកនាង កែវ សុរិយា បាននៅឡើយទេ។ ដូច្នេះ Khmertalking នឹងស្វាគមន៍ជានិច្ច ចំពោះការចេញមុខបញ្ជាក់ការពិត ពីអ្នកនាង កែវ សុរិយា នៅពេលក្រោយ ដើម្បីស្រាយមន្ទិលឲ្យមហាជន អស់ការសង្ស័យ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
