សុខ សោម៉ាវត្តី ច្រណែននឹងគូស្នេហ៍ថៃមួយគូ ដល់ថ្នាក់នាងបង្ហាញអារម្មណ៍ពិត តាមហ្វេសប៊ុក!

ភ្នំពេញ៖ តារាសម្តែងថៃស្រី នាង Chippy និងកីឡាករប្រដាល់ប្រចាំប្រទេសថៃ លោក Antoine Pinto ដែលគេស្គាល់ថាជាគូស្នេហ៍ ខុសអាជីពដែលសាកសមនឹងគ្នាបំផុត ហើយបើនិយាយពីរូបសម្ផស្សវិញ គឺស្រស់ស្អាត សង្ហា មិនចាញ់គ្នាប៉ុន្មាននោះទេ។ លើសពីនេះ នាពេលបច្ចុប្បន្នពួកគេទាំងពីរ ក៏កំពុងតែទទួលបានការចាប់អារម្មណ៍ យ៉ាងខ្លាំងនៅលើបណ្តាញសង្គម និងកោតសរសើរពេញទំហឹង ពីសំណាក់មហាជនគ្រប់មជ្ឈដ្ឋានទៀតផង។

ជាការពិតណាស់ គេតែងសង្កេតឃើញថា អ្នកទាំងពីរ បង្ហោះវីដេអូ ផ្អែមល្អែមជាមួយគ្នាជារឿយៗ ដែលធ្វើឲ្យមនុស្សទូទាំងពិភពលោក ច្រណែននឹងស្នេហា របស់ពួកគេជាខ្លាំង។ បើទោះបីជាពួកគេ មានអាជីពខុសគ្នាយ៉ាងណាក្តី ដោយម្នាក់ជាតារាសម្តែង រីឯម្នាក់ទៀតជាកីឡាករប្រដាល់ ប៉ុន្តែពួកគេពិតជាស្រលាញ់គ្នាខ្លាំងមែនទែន។

ថ្មីៗ គូស្នេហ៍មួយគូនេះ ក៏បានបង្ហោះវីដេអូផ្អែមល្អែមថ្មីមួយទៀត ដោយលោក Antoine Pinto បានអង្គុយផាត់មុខឲ្យមិត្តស្រីជាទីស្រលាញ់ នាងChippy ដែលវីដេអូនេះ បានធ្វើឲ្យតារាសម្តែងស្រី និងជាពិធីការីនីរូបស្រស់ អ្នកនាង សុខ សោម៉ាវត្តី ទ្រាំចុចស៊ែរបន្តមិនបាន មើលទៅនាងហាក់បីដូចជាច្រណែននឹងស្នេហា របស់តារាថៃមួយគូនេះណាស់ ដោយក្នុងនោះនាងសរសេរសារដ៏មានអត្ថន័យប៉ុន្មានឃ្លាថា៖ 

«ការពិតស្នេហាអាចផ្លាស់ប្ដូរពិភពលោកទាំងមូល បានឲ្យក្លាយជាពណ៌ស៊ីជម្ពូហើយក៏អាចផ្លាស់ប្ដូរមនុស្សម្នាក់ ទៅជាមនុស្សម្នាក់ទៀតបានដូចគ្នា មើលតែពូម្នាក់នៅក្នុងវីដេអូនេះទៅ ហើយឡើងខ្លួនឯងអ្នកប្រដាល់សោះដល់ពេលមានសង្សាតារា មានអីឥលូវប្ដូរអាជីពពីអ្នកប្រដាល់មកជាអ្នកផាត់មុខបាត់ មិនដឹងពេលណាដល់វេនខ្លួនឯង hahahaha #jealouse គូគេ #belike»៕

 កំណត់ហេតុខ្មែរឡូត៖ 

ដោយឡែក រំលឹកព័ត៌មានចាស់លើកមុនផងដែរថា តារាសម្តែងស្រីវ័យក្មេង និងល្បីថាជាអ្នកមេម៉ាយចាយរាងដ៏ស្រស់ស្អាត និងជាពិធីការិនីដែលមានឈ្មោះល្បី ប្រចាំនៅស្ថានីយ៍ទូរទស្សន៍បាយ័ន អ្នកនាង សុខ សោម៉ាវត្តី ត្រូវបានប្អូនស្រីបង្កើតរបស់នាង កញ្ញា សុខ សោម៉ារង្សី ប្រាប់ថា មានជម្ងឺផ្តាសាយធំជិតមួយអាទិត្យហើយ ព្រោះតែរវល់តែខិតខំធ្វើការងារខ្លាំងពេក មិនបានសម្រាកឱ្យបានគ្រប់គ្រាន់។ មិនតែប៉ុណ្ណោះ សោម៉ារង្សី ក៏បានសំណូមពរឱ្យមិត្តៗអ្នកគាំទ្រទាំងអស់ របស់បងស្រីនាង ជូនពរអ្នកនាង សុខ សោម៉ាវត្តី ឱ្យបានឆាប់ជាពីជម្ងឺនេះផងដែរ។

ចុះប្រិយមិត្តវិញ នរណាខ្លះជា ក្រុមអ្នកគាំទ្រ (Fans) របស់អ្នកនាងសុខ សោម៉ាវត្តី? កុំភ្លេចជួយជូនពរនាងឱ្យឆាប់ជាពីជម្ងឺផងណា។

រំលឹកទៅដល់ព័ត៌មានចាស់ឯណោះវិញ កាលពីពេលកន្លងទៅ តារាសម្តែងស្រីស្រស់ស្អាតរូបនេះ ក៏បានទម្លាយវីដេអូ ជាមួយនឹងតារាសម្តែងប្រុសជំនាន់ក្រោយដ៏ស្រស់សង្ហាគឺលោក លី វ៉ាហេទ ដែលបានធ្វើឱ្យប្រិយមិត្តរបស់នាង គិតថាមិនចង់ជឿ សោះថា ពួកគេទាំងពីរនាក់មិនមែនជាសង្សារនឹងគ្នា ព្រោះបន្ទាប់ពីបានចាប់ដៃគ្នាជាដៃគូសម្តែងយ៉ាងសាកសមនៅក្នុងរឿង «ខូចចិត្តអាជីព» របស់ផលិតកម្មរ៉ុកមក គេតែងសង្កេតឃើញថា សុខ សោម៉ាវត្តី ជារឿយៗបានបង្ហាញភាពស្និទ្ធស្នាលជាមួយ លោកលី វ៉ាហេទ ដូចជាគូស្នេហ៍នឹងគ្នាយ៉ាងដូច្នោះដែរ។

បច្ចុប្បន្នក៏មានប្រិយមិត្តអ្នកគាំទ្ររបស់អ្នកនាង សុខ សោម៉ាវត្តី មិនតិចនាក់នោះដែរ ដែលមានបំណងចង់ឱ្យតារាសម្តែងទាំងពីរដូងនេះ ស្រលាញ់គ្នាពិតមែននៅក្នុងជីវិតស្នេហាក្រៅឆាកតែម្តង។ ប៉ុន្តែរឿងរ៉ាវយ៉ាងណាបន្តទៅមុខទៀតនោះ តារាទាំងពីរដួងនៅមិនទាន់បង្ហាញឱ្យជាក់លាក់នៅឡើយទេ ថាពួកគេអាចនឹងក្លាយទៅជាគូស្នេហ៍ពិតប្រាកដបានដែរឬក៏អត់ទេ៕  

• សុខ សោម៉ាវត្តី
• យុវវ័យ
• ស្នេហា