លោក យ៉ែម សំអូន តារាចម្រៀងប្រុសពោះម៉ាយកូនមួយ ដែលទើបតែល្បីល្បាញ រឿងគេជំពាក់លុយ មិនព្រមសង ថែមទាំងរុញការងារ ឲ្យក្រុមអ្នកផ្សេងធ្វើ ថែមទៀតផងនោះ បានបង្អូតប្រាក់រាប់ពាន់អឺរ៉ូ និងរូបិយវត្ថុផ្សេងៗជាច្រើនទៀត ពីទឹកដីអឺរ៉ុប ខណៈដែលលោក បានឱកាសចេញទៅសម្ដែង ក្នុងប្រទេសនានា ក្នុងតំបន់នោះ ជាមួយនឹងតារាចម្រៀងស្រីម្នាក់ទៀត គឺអ្នកនាង ឆោម និមល។
តារាចម្រៀង យ៉ែម សំអូន បើទោះបីជា មានរឿងជាច្រើនព្រមៗគ្នាកើតឡើងចំពោះរូបលោក ក៏មិនសូវជាបាក់ស្រុត ប្រជាប្រិយភាព ទៅតាមស្ថានភាពជាក់ស្ដែងឡើយ ពោលលោកនៅតែរឹងមាំជានិច្ច ពិសេសលោកបានទទួលភារកិច្ច ទៅសម្ដែងច្រៀងរាំ ជូនបងប្អូនខ្មែរ នៅទ្វីបអឺរ៉ុបរួមមាន បារាំង ស្វីស ដែលលោកបានច្រៀងរាំ និងធ្វើដំណើរកំសាន្ត ឲ្យបានល្ហែល្ហើយចិត្ត មុនពេលលោកត្រឡប់មកស្រុកខ្មែរវិញ។
កំឡុងពេលសម្ដែង លោក យ៉ែម សំអូន បានធ្វើដំណើរកំសាន្ត នៅក្នុងប្រទេសស្វីស ដែលបានទៅដល់តំបន់ល្បីៗ លើលោក ពិសេសលោកបាន សម្ញែងប្រាក់អឺរ៉ូ (លុយធីប) ដែលទទួលបានពីបងប្អូនខ្មែរ រស់នៅក្រៅប្រទេស កំឡុងពេលដែលលោកបានសម្ដែង។
ប្រភពពីបងប្អូនខ្មែរ នៅក្រៅប្រទេស បាននិយាយថា ការសម្ដែងរបស់ពួកគេទាំងពីរ មានភាពជោគជ័យច្រើន ព្រោះបងប្អូនខ្មែរ ចូលរួមទស្សនាពេញៗសាលតែម្ដង ពិសេសវត្តមាន នាង ឆោម និមល ដែលកាន់តែធ្វើឲ្យកម្មវិធី រឹតតែអស្ចារ្យថែមទៀត ហើយលោក យ៉ែម សំអូន ថ្វីត្បិតតែមានរឿងអាស្រូវច្រើន ក៏មិនបានប៉ះពាល់ ដល់ការសម្ដែងដែរ។
លោក យ៉ែម សំអូន ក្រៅពីជោគជ័យខ្លាំង លើទឹកដីអឺរ៉ុប លោកក៏បានបង្អួតលុយទាំងដុំៗ លើតុហើយថតជាមួយ កញ្ញា ឆោម និមល មើលទៅហាក់មិនមែនជាចរឹកពិត របស់លោក ដែលសម្ញែងលុយខុសរឿងនោះទេ តែនេះហាក់ក្នុងន័យបង្អួតគូសត្រូវ របស់លោកច្រើនជាង ព្រោះមួយរយៈចុងក្រោយនេះ គូប្រជែងរបស់លោក ក៏ចេញសម្ដែងក្រៅប្រទេសញឹកញាប់ មិនធម្មតាដូចគ្នាដែរ៕
ប្រភព៖ khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]