ម្យ៉ាងដែរ ធ្វើឪពុកដូច យ៉ែម សំអូន ផ្តល់ភាពជិតស្និត ឲ្យកូនដូចមិត្តភក្តិ

កម្សាន្ត៖ ពិតមែនហើយ ទោះជាប្រឡូកសិល្បៈច្រើនឆ្នាំ ហើយមើលទៅ ហាក់មិនសូវបញ្ចេញមុខមាត់លើកញ្ចក់ទូរទស្សន៍ដូចមុនក្តី តែ យ៉ែម សំអូន មើលទៅកាក់កបជាខ្លាំងជាមួយមុខជំនួញផ្ទាល់ខ្លួន ជាពិសេសគឺ ទិញផ្ទះបន្តកន្ទុយគ្នា ស្ទើរតែមិនដាច់ តែម្តង។

ជាពិសេស បើក្រលេកទៅមើលជីវិត ពោះម៉ាយ រូបនេះវិញ សព្វថ្ងៃលោកកំពុងតែសោយសុខ រស់នៅជាមួយកូនប្រុសកម្លោះដ៏សង្ហាម្នាក់ ដែលស្ថិតក្រោមការមើលថែរបស់ លោក យ៉ែម សំអូន យ៉ាងពេញលេញ ថែមទាំងដើរតាមគន្លងឪពុកយ៉ាងល្អផងដែរ។

មិនតែប៉ុណ្ណោះ តារាប្រុសរូបនេះជារឿយៗតែងតែ ចេញមកបង្ហោះរូបភាពជាមួយកូនប្រុស អមជាមួយនឹងសារប្រៀនប្រដៅ ដ៏មានអត្ថន័យទូន្មានដល់កូនជានិច្ច។ លើសពីនេះទៅទៀតនោះ រាល់រូបភាពដែលលោកបង្ហោះម្ដងៗ គឺតែងតែបង្ហាញនូវភាពស្និតស្នាល កាយវិការជិតស្និតផ្តល់ភាពកក់ក្តៅឲ្យកូន សឹងតែដូចមិត្តភក្តិទៅហើយ ដោយនេះ បានបញ្ជាក់ពីការចិញ្ចឹមបីបាច់កូន ឲ្យមានភាពក្លាហាន ក្នុងការយកឪពុក ជាទីប្រឹក្សាមិនថាពេលសប្បាយឬ កើតទុក្ខនោះទេ៕

សូមទស្សនារូបភាពខាងក្រោម៖