តើតារាសិល្បៈណាខ្លះចូលរួម មង្គលការ ខៀវ សានសាណា កាលពីព្រឹកមិញ?

ភ្នំពេញ៖ ពិធីមង្គលការរបស់អ្នកនាង ខៀវ សានសាណា បានប្រព្រឹត្ដិទៅយ៉ាងរលូន កាលពីព្រឹកមិញនេះ នៅឯសណ្ឋាគារលំដាប់ផ្កាយ Le Royal ហើយក៏មានការចូលរួមពីមិត្ដភក្ដិនៅក្នុងរង្វង់សិល្បៈ ផងដែរ។

អ្វីដែលគួរឲ្យចាប់អារម្មណ៍នោះ នៅក្នុងពិធីមង្គលការរបស់អ្នកនាង កាលពីព្រឹកមិញនេះ ក៏មានវត្ដមានលោកជំទាវ ស្រីតូចចំណាន ផងដែរ ដែលបានចូលរួម។ រីឯអ្នកសិល្បៈវិញ មានដូចជា លោក ជា វណ្ណារិទ្ធ លោក ករុណា ពេជ្រ នាយព្រែក រ៉ូលីន អ្នកនាងកាតុនិង លោកចាបចៀន ដែលជាអ្នកកាត់សក់ ខណៈអ្នកកំដរវិញ គឺជា កញ្ញា ឌុចលីដា កញ្ញា នីមុន្នីនាថ និងកញ្ញារីយ៉ា។

សម្រាប់កូនអណ្ដើកស្រីវិញ គឺអ្នកនាង ខៀវ សានសាណា បានជ្រើសរើសយកកូនស្រីរបស់ខ្លួនផ្ទាល់តែម្ដង ចង់ដឹងយ៉ាងណា សូមទស្សនារូបភាពខាងក្រោម៖

កំណត់ហេតុខ្មែរឡូត៖

គួររំលឹកថា ពិធីការិនីមានវោហារស័ព្ទ និយាយជាភាសាអង់គ្លេសបានល្អជាងគេ អ្នកនាង ខៀវ សានសាណា ដែលត្រូវបានគេដឹងថា ជាស្ត្រីមេម៉ាយកូនពីរ ហើយក៏បានសារភាពថា បានលែងលះរួចរាល់ជាមួយអតីតស្វាមីជនជាតិកាណាដា បានធ្លាយដំណឹងថា នាងនឹងចូលរោងការជាមួយប្ដីទី២ នៅអំឡុងខែតុលា ឆ្នាំ២០១៦ ខណៈអនាគតស្វាមីទី២របស់នាង ត្រូវបានគេស្គាល់ថា ឈ្មោះ Seraj Sutton ជាសមាជិកឯករាជ្យ របស់ក្រុមហ៊ុន «Herbalife Cambodia»។

មហាជនសង្កេតឃើញថា ទំនាក់ទំនងរវាងពិធីការិនីកូនពីរ អ្នកនាង ខៀវ សានសាណា និងលោក Seraj Sutton ជាសមាជិកឯករាជ្យ របស់ក្រុមហ៊ុន Herbalife Cambodia ក៏កាន់តែមានភាពស្និទ្ធស្នាល បណ្តើរគ្នាស្និទ្ធស្អិតកៀកកិត មិនឃ្លាតគ្នាមួយជំហានណាឡើយ ប៉ុន្តែនាង ខៀវ សានសាណា បុប្ផាខ្មែររាងរៅតូចច្រឡឹង ឆ្វាក់ស្នេហ៍កន្លង់អឺរ៉ុបរូបនេះ តែងពោលយ៉ាងទទូច សុំមិនបរិយាយ ពីដំណឹងផ្សេងៗជុំវិញរឿងស្នេហា។

អ្នកនាង ខៀវ សានសាណា ត្រៀមរៀបការលើកទីពីរ ជាមួយបុរសជនជាតិអូស្ត្រាលី លោក Seraj Sutton បន្ទាប់ពីនាង បានស្វែងយល់ចិត្តគ្នា អស់រយៈពេលជាច្រើនឆ្នាំ។ ប្រភពទម្លាយទៀតថា អ្នកនាង ខៀវ សានសាណា ត្រៀមការប្ដីលើកទី២នេះ នៅសណ្ឋាគារលំដាប់ផ្កាយ គឺសណ្ឋាគារ «LE ROYAL» ដែលអ្នកសិល្បៈប្រមាណ២០តុប៉ុណ្ណោះ ដែលត្រូវបានអញ្ជើញ មិនមែនហៅទ្រង់ទ្រាយធំ ដូចកម្មវិធីអ្នកសិល្បៈធម្មតាៗឡើយ ព្រោះកន្លងមកហៅច្រើនពេក នាំគ្នាសម្រុកមកទាំងក្រុម ខាតមិនតិចទេ។

អ្នកនាង ខៀវ សានសាណា គ្រោងនឹងរៀបកម្មវិធីមង្គលការនេះ ថ្ងៃទី០៨ ខែតុលា ២០១៦ តែមិនត្រូវបានទំលាយ ជាសាធារណៈឡើយ ចំពោះកម្មវិធីមង្គលការ ជាមួយនឹងកូនកំឡោះវ័យ៦០ឆ្នាំ។ អ្នកនាង ខៀវ សានសាណា ជាសិល្បការិនីម្នាក់ ដែលរួសរាយ ប៉ុន្តែនាងដាច់ខាតមិនយកជីវិតឯកជន មកទំលាយឲ្យមហាជនដឹងឮឡើយ តែមហាជនជាច្រើន នៅតែចង់ដឹងចង់ឮរឿងរបស់នាង។

• ខៀវ សានសាណា