ភ្នំពេញ៖ តារាសម្ដែង ហង្ស ម៉ារីនី ត្រូវចោរឆក់កាបូបបានសម្រេច នៅមុខទីស្តីការគណៈរដ្ឋមន្ត្រី ហើយនាងបានប្រទាញប្រទង់ ដើម្បីយកកាបូបមកវិញ ប៊ិះនឹង ត្រូវរថយន្តមកពីក្រោយ បុកស្លាប់ថែមទៀតផង កាលពីថ្ងៃទី១៥ កញ្ញា ឆ្នាំ២០១៦ ខណៈកំពុងឈរចាំទទួលយក អំណោយពីសប្បុរសជន។
តារាស្រីថ្ពាល់ខួច ហង្ស ម៉ារីនី បានរៀបរាប់ពេល ជួបហេតុការណ៍អាក្រក់ថា ម្សិលមិញនេះ នាងប៊ិះនឹងត្រូវឡានបុក ព្រោះតែប្រទាញប្រទង់ជាមួយចោរ។ រឿងកើតឡើងម្សិលមិញនេះ នៅមុខទីស្ដីការគណៈរដ្ឋមន្ត្រី ពេលដែលខ្ញុំចុះពីលើម៉ូតូ ហើយឈរចាំយកអំណោយ ពីសប្បុរសជន ដើម្បីចូលរួមកម្មវិធីមនុស្សធម៌ ថ្ងៃស្អែកនេះ ហើយចោរជិះម៉ូតូមកឆក់ការបូកទៅ។
ម៉ារីនី ប្រាប់ទៀតថា កាបូបនាងបាត់បង់នោះមានសម្ភារៈ និងថវិកាផ្ទាល់ខ្លួនមួយចំនួន។ តែតារាស្រីលេចធ្លាខាងការងារមនុស្សធម៌នេះ បញ្ជាក់ថានាងមិនសូវជាភាពភ័យខ្លាចខ្លាំងរឺស្តាយនោះទេ។ អ្វីដែលសោកស្ដាយខ្លាំងនោះ គឺលេខទូរសព្ទដែលនាងមានអ្នកស្គាល់ច្រើន។ក្នុងនោះមានទូរសព្ទដៃបីគ្រឿង និងលុយកាក់មួយចំនួន តែប្រាក់មិនសូវខ្វល់ទេ ខ្ញុំខ្វល់តែលេខទូរសព្ទទេ ព្រោះខ្លាចគេយកលេខនោះ ទៅប្រើប្រាស់មិនត្រូវត្រឹម។
សូមជម្រាបថា ទោះជាជួបហេតុការណ៍អាក្រក់កើតឡើង លើខ្លួននាងរហូតស្ទើរបាត់បង់ជីវិត បែបនេះក្ដី ក៏តារាថ្ពាល់ខួចរូបនេះប្ដេជ្ញា មិនបោះបង់ការងារសប្បុរសធម៌នេះដែរ។ មិនត្រឹមតែមិនបោះបង់ទេ តែជំរុញចិត្តខ្ញុំឲ្យរឹតតែ ធ្វើការងារមួយនេះបន្តទៀត ។ គួររំលឹកថា អតីត Freshie girl ហង្ស ម៉ារីនី គឺជាតារាសម្ដែងដែលមានអ្នកគាំទ្រ ច្រើននៅលើបណ្ដាញសង្គម Facebook ហើយក៏ត្រូវបានមហាជនទូទៅតែងហៅថាជានារីស្រគត់ស្រគំ។ ថ្វីត្បិតតែបែបនេះក្ដី តែនាងក៏ចូលចិត្តភាពសិចស៊ីដែរ តែបែបសុភាពៗ ៕
ប្រភព៖ ដើមអម្ពិល
កំណត់ហេតុខ្មែរឡូត៖
នេះមិនមែនជារឿងស៊យលើកទី១ របស់តារាស្រីនេះនោះទេ ដែលនាងប៊ិះជួបរឿងស៊យធំ ចាញ់បោកជនខិលខូច តាមទូរស័ព្ទ កាលពីខែមិថុនាកន្លងទៅនេះ។
នេះបើតាមបណ្តាញសង្គមហ្វេសប៊ុក របស់តារាស្រី កញ្ញា ហង្ស ម៉ារីនី បានសរសេរបញ្ជាក់ថា «សំបូរណាស់ហ្ន៎ សំបូរអ្នកតេមកបោកម៉ាក់ខ្ញុំម្ល៉េះ ២ថ្ងៃហើយ តេមកលេខប្តូររហូត រកនេះរកនោះ មានការប្រយ៉ាប់បន្ទាន់ ខ្លះថាពួកម៉ាក់ប៉ាខ្ញុំចង់ខ្ចីលុយ ព្រោះមានធុរៈបន្ទាន់ តែពេលខ្ញុំសួរថា ប៉ាខ្ញុំឈ្មោះអី លេខទូរស័ព្ទប៉ាខ្ញុំលេខប៉ុន្មាន ឆ្លើយមួយខ្ញុំអត់រួច!»។
កញ្ញា ហង្ស ម៉ារីនី បានបន្តថា «ពេលខ្ញុំសួរដេញដោលយូរទៅ បែរជាប្រាប់ខ្ញុំវិញថា មិនបាច់ចេះចង់ដឹងអីទេរឿងចាស់ៗទេ យីចេះនិយាយមករួច ម៉ាក់ប៉ាខ្ញុំអត់ឲ្យខ្ញុំចេះដឹងម៉េច។ ស្ទីលបោកចឹងៗហួសសម័យហើយ លោកពូសូមអរគុណ សូមព្យាយាមម្តងទៀត ឬព្យាយាមជាតិក្រោយម្តងទៀតទៅពូ លើសហើយពូៗៗៗ។ សូមប្រុងប្រយ័ត្ន ចំពោះលេខទូរស័ព្ទ 087 79 12 58 ទាំងអស់គ្នាណា!»។
សូមបញ្ជាក់ថា ករណីឆបោកតាមទូរស័ព្ទនេះ មិនមែនទើបតែកើតមានលើម្តាយ របស់តារាស្រីកញ្ញា ហង្ស ម៉ារីនី នោះឡើយ ពោលគឺជារឿយៗតែងតែ កើតមានជាបន្តបន្ទាប់ លើប្រជាពលរដ្ឋស្លូតត្រង់។ ពិសេសអ្នកដែលឆាប់ជឿស្លុង លើការនិយាយលួងលោម ពីសំណាក់ជនខិលខូចទាំងនេះ តាមរយៈការផ្ញើលុយឲ្យជាថ្នូរ នឹងអ្វីមួយ ឬក៏ប្រើល្បិចខ្ចីលុយជាដើម៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]