(ព្រះវិហារ)៖ រថយន្តដឹកប្រេងមួយគ្រឿង បានបុកម៉ូតូលក់នំប៉័ងតាមដងផ្លូវ បណ្ដាលឲ្យផ្ទុះឆាបឆេះ យ៉ាងសន្ធោសន្ធៅ នៅម៉ោង១០៖៣០នាទី ថ្ងៃទី០៨ ខែកញ្ញា ឆ្នាំ២០១៦ ស្ថិតភូមិត្រពាំងសង្កែរខាងលិច ឃុំកន្ទួត ស្រុកជាំក្សាន្ត ខេត្តព្រះវិហារ តែសំណាងល្អ មិនមានសេចក្តីរាយការណ៍ពីអ្នករងគ្រោះនោះទេ។
មេបញ្ជាការអាវុធហត្ថខេត្តព្រះវិហារ លោកឧត្តមសេនីយ៍ត្រី កង សាគុណ បានប្រាប់អង្គភាព Fresh News រហូតមកដល់ពេលនេះ ភ្លើងបានរលត់ទៅវិញ ហើយក្រោមពីមានកិច្ចអន្តរាគមន៍ ពីសំណាក់កម្លាំងសមត្ថកិច្ច និងអាជ្ញាធរ។
សេចក្តីរាយការណ៍បានឲ្យដឹងថា គ្រោះថ្នាក់ចរាចរណ៍នេះ បណ្តាលឲ្យបុរសអ្នកលក់នំប័ុងរងរបួសធ្ងន់ធ្ងរកំពុងសង្គ្រោះបន្ទាន់នៅមន្ទីរពេទ្យខេត្តព្រះវិហារ៕
ប្រភព៖ Fresh News
កំណត់ហេតុខ្មែរឡូត៖
ដោយឡែក ករណីមួយផ្សេងទៀត កាលពីលើកមុន ភ្លើងឆេះស្ថានីយ៍ប្រេងនៅក្រុងច្បារមន រាលដាលដល់ផ្ទះ២ល្វែង ។ គួររំលឹកផងដែរថា កាលពីវេលាម៉ោង១២និង០៨នាទីថ្ងៃត្រង់ថ្ងៃទី០១ កញ្ញានេះ ភ្លើងដែលឆាបឆេះស្ថានីយ៍ប្រេងសូគីម៉ិច ស្ថិតនៅក្នុងភូមិក្រាំងពលទេព សង្កាត់រកាធំ ក្រុងច្បារមន មិនទាន់រលត់នៅឡើយទេ គ្រាន់តែថមថយឥទ្ឋិពល ។
សេចក្តីរាយការណ៍បានបន្តថា អគ្គិភ័យដែលកើតឡើងមិនទាន់ដឹងមូលហេតុកាលពីវេលាម៉ោងជិត១១ថ្ងៃត្រង់ថ្ងៃព្រហស្បតិ៍ដដែលនេះ បានរាលដាលដល់ផ្ទះ២ល្វែងដែលត្រូវជាបងប្អូនរបស់ម្ចាស់ស្ថានីយ៍ប្រេងខាងលើ ប៉ុន្តែមិនទាន់មានរបាយការណ៍ពីការខូចខាត ឬ មនុស្សណាម្នាក់រងគ្រោះក្នុងហេតុការណ៍នេះនៅឡើយទេ គ្រាន់តែតាមជាក់ស្តែងទំហំនៃការខូចខាតមានទំហំធំ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
